Osea 13
13
1Kana delasduma o Efraimo, šudelas e dar ando Israelo. Ta sar bezexardea le Baalosa, mullo.#Cap. 11.2. 2Thag. 17.16, 18.
2Thai akana on bezexarăn ande iekhate, kărăn pehkă tipuri šordine anda lengo rup, idolea anda lendi godi, buti kărdini butearăndar. Kadalengă denlengăduma on, thai jertfind manuši, čiumiden guruwiça!#Cap. 2.8; 8.4. 1Thag. 19.18.
3Anda kodea, avena sar o noro le droboimahko, sar e isflečeresti kai nakhăl iekhatar, sar e poši phurdi la bravalleatar anda e aria, sar o thuw, kai anklel andoa xorno.#Cap. 6.4. Dan. 2.35.
4Ta Me sîm o Rai, o Dell tiro, anda o čem le Ejiptohko orde. Tu prinjeanes kă nai aver Dell avri Mandar, thai nai aver Skăpitorii avri Mandar.#Cap. 12.9. Is. 43.11; 45.21.
5Me prinjeandem tu ande pustia, ande khă phuw bi paiehko.#Deut. 2.7; 8.15; 32.10.
6Ta kana dine čeareatar, čeaili'le, thai kana čeaili'le, lengo illo phutil'lo barimastar; anda kodea bîstărde Ma.#Cap. 8.14. Deut. 8.12, 14; 32.15.
7Me kărdilem sar khă leo anda lende, thai pîndisarau le sar khă pardoso po drom.#Cap. 5.14. Ier. 5.6. Roim. 3.10.
8Šuda Ma pa lende, sar khă rišni lini lakă puiendar, pharavau lengo văluimos le illehko; nakhavau le andakhdta sar khă leo, thai le jiwine le kîmpohkă kărăna le kotora.#2Sam. 17.8. Pilde 17.12.
9O xasarimos tiro, Israelona, sî kă sanas pa Mande, pa Kukoa kai dašti kandelas tu.#Vers. 4. Cap. 14.1. Pilde 6.32. Mal. 1.9.
10Kai sî teo thagar, te skăpil tu ande sa te četăçi? Kai sî te krisînitorea, pa save phenesas: „De ma khă thagar thai raimata?”#Vers. 4. Cap. 10.3. Deut. 32.38. 1Sam. 8.5, 19.
11Dem tu khă thagar ande Mîŕî xolli, thai lau les ande Mîŕî arman!#Cap. 10.3. 1Sam. 8.7; 10.19; 15.22, 23; 16.1.
12E bikris le Efraimosti sî strandisardi, lesti bezex sî nikărdini.#Deut. 32.34. Iov 14.17.
13Astarăna les le dukha le kărdimahkă; sî khă šeau bixarano, kă naštil te kărăl koa čiro dino!#2Thag. 19.3. Is. 13.8. Ier. 30.6. Pilde 22.3.
14Potinaua le andoa vast le thanehko le mullengo, skăpisaraua le kata o merimos. Merimos, kai sî ti čiuma? Than le mullengo, kai sî teo xasarimos? O kăimos sî garado Mîŕă dikhlimatăngo!#Is. 25.8. Ier. 15.6. Ezec. 37.12. Rom. 11.29. 1Kor. 15.54, 55.
15Or sode dă rodohko avela o Efraimo ando maškar pehkă phralengo, sa avela e bravall katar anklelokham, kărdeola pe andai pustia khă bravall le Raiesti, šutearăla lakă isvoară, thai staxola lakă xainga: jefuila o visterimos anda sal vasurea lehkă le kučimahkă.#Cap. 4.19. Gen. 41.52; 48.19. Ier. 4.11. Ezec. 17.10; 19.12.
16E Samaria sî došaldi, andakă vazdinisa'li poa Dell lako. Perăna mudarde la sabiatar; le gloate lengă avena linčearde, thai phaŕavena le păŕa le romneangă le phareangă.#Cap. 10.14, 15. 2Thag. 8.12; 15.16; 18.12. Is. 13.16. Amos 1.13. Nax. 3.10.
Currently Selected:
Osea 13: KALD2020
Highlight
Copy
Compare
Share
Want to have your highlights saved across all your devices? Sign up or sign in
Bible translated into Kalderash Romani by Luminita Cioaba 2020, from the Cornilescu version of the Romanian Bible. Rights are held by the British and Foreign Bible Society and the Interconfessional Bible Society of Romania.
