Efesenea 1
1
1O Pavelo, apostolo le Isus Kristosohko, andoa kamimos le Devllehko, karing le sfinçea kai sî ando Efes thai le pateimne le Isus Krsistosohkă:#Cap. 6.21. Rom. 1.7. 2Kor. 1.1. 1Kor. 4.17. 2Kor. 1.1. Kol. 1.2.
2Xaro thai pačea katoa Dell, o Dadd amaro, thai kata o Rai o Isus Kristoso.#Gal. 1.3. Tit 1.4.
3Dinodumadămišto te avel o Dell, o Dadd amară Raiehko le Isus Kristosohko, kai deamedumadămišto butença dinedunadămišto duxovničiskurea, ande le thana le čerikane, ando Kristoso.#2Kor. 1.3. 1Pet. 1.3.
4Ande Leste, o Dell alosarsde ame anglal te kărăl e lumea, kaste avas sfinçea thai bi došako angla Leste, pala so, ando kamblimos Lehko,#Cap. 2.10; 5.27. Luka 1.75. Rom. 8.28. Kol. 1.22. 1Tes. 4.7. 2Tes. 2.13. 2Tim. 1.9. Tit 2.12. Iak. 2.5. 1Pet. 1.2; 2.9, 20.
5lašarde ame mai anglal te avas lehkă šeave ando Isus Kristoso, pala o lašo čeailimos Lehkă kamimahko,#Vers. 9, 11. Mat. 11.26. Luka 12.32. Ioan 1.12. Rom. 8.15, 29, 30. 1Kor. 1.21. 2Kor. 6.18. Gal. 4.5. 1Ioan 3.1.
6karing o lăudimos la slavako Lehkă xarohko, kai dea mengă les ando But Kamblino Pehko.#Mat. 3.17; 17.5. Ioan 3.35; 10.17. Rom. 3.24; 5.15.
7Ande Leste same o potindimos, ande Lehko rat, o iertimos le bezexăngo, pala le bravalimata Lehkă xarohkă,#Cap. 2.7; 3.8, 16. Kărd. 20.28. Rom. 2.4; 3.24; 9.23. Filip. 4.19. Kol. 1.14. Evr. 9.12. 1Pet. 1.18, 19. Sîk. 5.9.
8kai o tinzosardea les anda bravalimaste pa amende, anda orsao godeaimos thai prinjeandimos;
9kă kambleamištimasa te sîkavel amengă o garadimos Pehkă kamimahko, pala o plano kai sas kărdino orta Pestar,#Cap. 3.4, 9, 11. Rom. 16.25. Kol. 1.26. 2Tim. 1.9.
10kaste nigrăles koa pherdimos le čirurengo, kaste tidel Pehkă pale ande iekh ando Kristoso, sa le butea: kola andal čeruri, thai kola pai phuw.#Cap. 2.15; 3.15. 1Kor. 3.22, 23; 11.3. Gal. 4.4. Filip. 2.9, 10. Kol. 1.20. Evr. 1.2; 9.10. 1Pet. 1.20.
11Ande Leste samas kărde i manditorea, avindoi lašarde mai anglal, pala o mothodimos Kolehko, kai kărăl sa pala o divano Lehkă kamimahko,#Vers. 5. Is. 46.10, 11. Kărd. 20.32; 26.18. Rom. 8.17. Kol. 1.12; 3.24. Tit 3.7. Iak. 2.5. 1Pet. 1.4.
12kaste kandas lăudimasa Lehka slavakă, ame, kai mai anglal pateaiam ando Kristoso.#Vers. 6, 14. 2Tes. 2.13. Iak. 1.18.
13Thai tume, pala so ašundean o divano le čeačimahko (e LašiVestea le skăpimasti tumarăsti), pateaian ande Leste, thai sanas štampilime le Sfîntone Duxosa, kai sas šinado,#Cap. 4.30. Ioan 1.17. 2Kor. 1.22; 6.7.
14thai kai sî khă sumadi le mandimatahko amarăhko, anda o potindimos kolengo line le Devllestar, karing e slava Pesti.#Vers. 6.12. Cap. 4.30. Luka 21.28. Kărd. 20.28. Rom. 8.32. 2Kor. 1.22; 5.5. 1Pet. 2.9.
15Anda kodea i me, dă kana ašundem poa pateaimos ando Rai o Isus Kristoso kai sî ande tumende, thai poa kamblimos tumaro anda sal sfinçea,#Kol. 1.4. Filim. 5.
16či atărdiuau te anau naismata anda tumende, kana pomenisarau tume ande mîŕă rudimata.#Rom. 1.9. Filip. 1.3, 4. Kol. 1.3. 1Tes. 1.2. 2Tes. 1.3.
17Thai rudima ka o Dell le Raiehko amarăhko le Isus Kristosohko, o Dadd la slavako, te del tume khă duxo godeaimahko thai sîkaimahko, ando prinjeandimos Lehko,#Ioan 20.17. Kol. 1.9.
18thai te străfearăl tumară iakha le illehkă, kaste atearăn sao sî o ajukărimos Lehkă akhardimahko, kai sî o bravalimos la slavako le mandimatahko Lehko andel sfinçea,#Vers. 11. Cap. 2.12; 4.4. Kărd. 26.18.
19thai savo sî angla amende, le pateaimne, o birigako barimos la zorako Lesti, pala e buti la zorako le zuralimahko Lesti,#Cap. 3.7. Kol. 1.29; 2.12.
20savi thodeasla ando Kristoso, anda kă juvindisardea Les andal mulle, thai thodea Les te bešel ande čiačirig Pesti, andel thana le čerikane,#Ps. 110.1. Kărd. 2.24, 33; 7.55, 56. Kol. 3.1. Evr. 1.3; 10.12.
21mai opral dă orsao raimos, dă orsao stăpînimos, dă orsavi zor, dă orsao barimos thai orsave anavestar, kai dašti phenel pe, na numai ando veako kadoa, ta i ande kukoa kai avel.#Rom. 8.38. Filip. 2.9, 10. Kol. 1.16; 2.10, 15. Evr. 1.4.
22O thodea Lehkă sa talal pînŕă, thai dea Les šerobaro pa sal butea, la Khăngăreakă,#Cap. 4.15, 16. Ps. 8.6. Mat. 28.18. 1Kor. 15.27. Evr. 2.7, 8. Kol. 1.18.
23kai sî o stato Lehko, o pherdimos Kolehko kai pherăl sa ande saoŕă.#Rom. 12.5.#Cap. 4.12; 5.23, 30. 1Kor. 12.12, 27. Kol. 1.18, 24.
Currently Selected:
Efesenea 1: KALD2020
Highlight
Share
Copy
Want to have your highlights saved across all your devices? Sign up or sign in
Bible translated into Kalderash Romani by Luminita Cioaba 2020, from the Cornilescu version of the Romanian Bible. Rights are held by the British and Foreign Bible Society and the Interconfessional Bible Society of Romania.
