Jekaryah 2
2
Snuyuk Sseengan so Utux
1Mquri ku baro qmita, qtai! Niqan 1 seediq gisu dmoi snuyuk sseung. 2Slingan mu: “Mosa su inu?” Cyukan ku na: “Mosa ku smeung Yerusalem, teta knhenu ba qndisan ma qnlahang.” 3Qtai! Wada ka snkgulan Utux Baro. Meeyah smterung heya ka 1 snkgulan Utux Baro. 4Rmengo heya: “Sai tmalang rmengo ka riso nii, mpniqan seediq meeniq Yerusalem, mntena so lualang uka qnalang, ado egu bale ka seediq ma tnbugan ckceka daha hiya. 5Rmengo ka Utux Tmninun: Yaku ka qnalang puniq ssiyo Yerusalem, dungal we yaku ka knledax ckceka alang.”
Mlawa Qnerac Pbrinah Alang
6Rmengo ka Utux Tmninun: “Aguh! Aguh! Mbrinah qduriq namu peeyah dxeral tgbaro. Ado yaku ka pnkrehak yamu ani inu han. Rnengo Utux Tmninun ka nii. 7Aguh! Seediq Sion gaga meeniq Babirun! Qduriq! 8Bobo pntuura knledax ka Utux Tmninun Mdoi Kana Supi de, mpskagul kenan mosa dqlhangan qmnerac yamu hiya. So nii ka rnengo na: Smterung yamu we, kiya ka gaga smterung seediq gaga doriq na nanak. 9Qtai! Mphkero ku baga mccebu dheya, kiya de maha gglekun tnqliyan dheya nanak ka dheya. Kiya ka mpkeela namu, smkagul kenan ka Utux Tmninun Dmoi Kana Supi.” 10Rmengo ka Utux Tmninun: “Sion! Qqaras muyas ka yamu, ado, qtai! Meeyah ku ma, meeyah ku meeniq ckceka namu ka yaku. 11Meeniq ali ciida, mpquri Utux Tmninun ka hbaro qlhangan ma, ma seediq mu ka dheya. Meeniq ku ckceka namu. Kiya ka mpkeela namu, snkagul kana mosa yamu hiya ka Utux Tmninun Mdoi Kana Supi. 12Utux Tmninun we brahun na mangal dungal ka Yehudah ma, ngalun na pusu dnoi mrtaso dxeral, geegun na dungal ka Yerusalem. 13Kana niqan heyi ma dara we, mplmelux uka hrenang meeniq berah Utux Tmninun, ado gaga mtutuy peeyah nniqan na mrtaso ka heya da.”
Currently Selected:
Jekaryah 2: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
