Jekaryah 3
3
Msapuh Paru so Utux
1Snkgulan Utux Baro we pqtaan ku na: Yehosua msapuh paru we gaga mheyu berah snkgulan Utux Tmninun, kiya we gaga mheyu narac Yehosua ka Satang migin kari heya. 2Rmengo Satang ka Utux Tmninun: “Satang! Mseang sunan ka Utux Tmninun! Utux Tmninun gnao Yerusalem ka mpkseang isu! Uxe nangal pneeyah ckceka rana puniq ka 1 qhuni nii ho?” 3Yehosua we mlukus mrutiq ba mheyu berah snkgulan Utux Baro. 4Snkgulan Utux Baro we rnengo na ka dmdayo berah na: “Ngali heya ka lukus na mrutiq.” Dungal we rngagan na ka Yehosua: “Qtai! Wada mlatac sunan ka qnquwan noda su. Plkusun misu lukus malu bale.” 5Rmengo ku: “Kbnuhan mu bunuh bgurah ba ka tunux na.” Kiya de psaun daha tunux na ka bunuh bgurah ba nii ma, plkusun daha lukus malu ba. Kiya we mheyu ssiyo ka snkgulan Utux Tmninun.
6Mdakar rmengo Yehosua ka snkgulan Utux Tmninun, 7Rmengo so nii ka Utux Tmninun Mdoi Kana Supi: “Nasi su muyu ba elu mu, thei ba kari pnosa mu de, tduwa su qmlahang sapah mu, pqlahang su sapah mu. Yaku we mpkkesa ku dseediq gaga mpqeepah hiya ka yaku uri. 8Yehosua msapuh paru! Qbahang ka isu ma dadal su gaga berah su, ado gisu plaale pgkela ka dheya: Qtai! Pyahun mu ka sida Dawid tnqliyan mu. 9Qtai! Btunux pnheyu mu berah Yehosua ka nii. Niqan 7 doriq na ka btunux nii. Qtai! Daun mu qmrequl ka btunux nii, dungal we 1 ba ali, pkngalun mu ka qnquwan noda dxeral nii. Rnengo Utux Tmninun Mdoi Kana Supi ka nii. 10Meeniq ali ciida, txtaxa namu we mplawa namu ssiyo mptleung namu toma lipas ma pusu nunuh. Rnengo Utux Tmninun Mdoi Kana Supi ka nii.”
Currently Selected:
Jekaryah 3: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
