Roma 10
10
1Mtswai, sneengan lhebun mu ma durun mu Utux Baro we ppkuudus seediq Israel. 2Yaku ka pgkela dheya, dheya we mdrumuc quri Utux Baro. Kiya de ini ooda bale ba knkela. 3Ado ini daha klai ka msderux ooda Utux Baro ma kmpeeniq knsderux ooda daha nanak. So kiya de ini puyu knsderux ooda Utux Baro ka dheya da. 4Ado Kiristo we qnhdean gaya. So kiya de aangal daha knsderux ooda ka kana seediq ga snhii.
Ppkuudus Kana Snhii Ngayan Bukung
5Mquri so gaya msderux ooda, mnatis ka Moseh: “Qmeepah noda nii ka seediq we mpkuudus.” 6Kiya de pneyah snhiyan ka msderux ooda we so nii ka rnengo na: “Iya rengo lhebun namu: ‘Ima ka mpnkala tlangan baro ho?’ (Kiya de aadis na ka Kiristo peeyah hiya.) 7Uxe uri rmengo: ‘Ima ka mosa tuxan mnkuung ho?’ (Kiya de adis pgkala peeyah hnqilan ka Kiristo.)” 8Kiya de huwa mesa ka gaga na srengo ho?
“Ga smdaling isu ka kari nii.
Kiya we ga ckceka quwaq su ma ga ckceka lhebun su.”
(Kiya de kari quri wada ta snhiyun ka sgarang ta.) 9Kiya we quwaq su we nasi tmgesa Yesu ka Bukung, lhebun su we snhii su heya we wada pkdusun peeyah hnqilan Utux Baro de pkdusun su na. 10Ado snhii ka lhebun na ka seediq we ngalan na msderux ooda ma tmgesa ka quwaq na we pkdusun. 11Rmengo ka Patis: “Kana seediq snhii heya we uxe mpqsiqa.” 12Ado seediq Yudaya ma seediq Hellenis we uka pnsnakan. Ado 1 bale Bukung ka kana seediq. Utux Baro we biqan na qnbleyaq ka kana mlawa heya. 13Ado “Mlawa ngayan Bukung we pkdusun kana.” 14So kiya de huwa daha kesun mlawa ka seediq uxe snhii heya ho? Huwa daha kesun snhii ka uxe daha bnhangan ka heya ho? Nasi uka ka mpgarang kari we mphuwa mesa mbahang ho? 15Nasi ini skguli ka seediq we mphuwa mesa gmarang kari ho? Mntena so ga spatis Patis: “Teyal knmalu taan ka papak mpgarang malu kari ma mpgarang kari qqrasun!” 16Kiya de uxe kana seediq ka snhii malu kari. Ado rmnengo ka Isaya: “Bukung! Ima ka maha snhii gnarang nami ho?” 17So kiya de snhiyan kari we pneyah qbhangan kari, qmbahang kari we pneyah kari Kiristo. 18Ani so kiya msiling ku, Ini qbahang ka dseediq peni? Ida wada mbahang ka dheya da.
“Wada mttuku gmarang kana bobo dxeral ka hrenang na.
Kari na we wada grangan betaq nhdean bobo dxeral.”
19Kiya de msiling ku dungal, Ini kela ka seediq Israel peni? Rmnengo ka Moseh:
“Spsnhuur yamu ka uxe kesun qnlhangan.
Spkseang mu yamu ka mngataq qlhangan.”
20Mremun rmengo ka Isaya uri:
“Ini igin kenan we mpsdiyal ka dheya.
Ini siling kenan we tqtaun mu.”
21Quri so seediq Israel, rmengo ka heya: “Ini thei ma tbrinah kenan ka seediq we hmkero ku baga dheya klaali.”
Currently Selected:
Roma 10: Stgdaya
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
