Pntuura 7
7
Maangal Ngayan Pnskraya ka 14 Mang ma 40'00 Seediq Israel
1Bobo na nii de, taan mu ga mheyu 4 muxi bobo dxeral ka 4 snkgulan baro. Dheya we ga dmoi beyax bgihur peeyah 4 muxi. So uxe mpiyuk dxeral, rcilung ma, qqhuni ka bgihur. 2Taan mu uri ka 1 snkgulan baro mnkala pneeyah nklaan hido. Heya we maangal ngayan pnskraya Utux Baro. Heya we paru ba hrenang na mquri 4 snkgulan baro ga mangal pusu beyax mtduwa smeeliq dxeral ma rcilung. 3Rmengo: “Yamu we iya seeliq dxeral, rcilung ma, qhuni, trai ku betaq miyan btaqan ngayan pnskraya kduruk daha ka dtnqliyan Utux Baro ta.” 4Qnbhangan mu mnangal ngayan pnskraya ka knkingal klegan pnswayan drudan seediq Israel we 14 mang ma 40'00 heyi.
5Pneeyah Yehudah 1 rudan we 1 mang 20'00 heyi.
Pneeyah Reuben 1 rudan we 1 mang 20'00 heyi.
Pneeyah Gad 1 rudan we 1 mang 20'00 heyi.
6Pneeyah Aser 1 rudan we 1 mang 20'00 heyi.
Pneeyah Naptaliy 1 rudan we 1 mang 20'00 heyi.
Pneeyah Menaseh 1 rudan we 1 mang 20'00 heyi.
7Pneeyah Simeon 1 rudan we 1 mang 20'00 heyi.
Pneeyah Lewiy 1 rudan we 1 mang 20'00 heyi.
Pneeyah Yisaskar 1 rudan we 1 mang 20'00 heyi.
8Pneeyah Jebulon 1 rudan we 1 mang 20'00 heyi.
Pneeyah Yosehu 1 rudan we 1 mang 20'00 heyi.
Pneeyah Binyamin 1 rudan mnangal ngayan pnskraya we 1 mang 20'00 heyi.
Uka Spegan Seediq Pneeyah Kana Qlhangan
9Bobo na kiya de, qmita ku, taan mu ka knhbragan seediq, ini dheki ani ima smepu we, pneeyah kana qnlhangan, knkingal klegan rudan, knkingal klegan seediq ma, knkingal klegan kari we, ga mheyu berah tleung tluungan ma wawa miric. Mlukus lukus bhege, baga daha we dmoi waso sbiki paru. 10Paru quwaq daha mdiras:
“Tai so gnhuwe doi baga we meeniq ga tleung tluungan hiya Utux Baro ta,
so mpeniq wawa miric uri.”
11Kana snkgulan baro we ga mheyu tqiri ssiyo tluungan, drudan mpqlahang ma, sepac muudus. Tgtemaq berah tluungan thmuku Utux Baro, 12rmengo:
“Ameng! Tai so tndhuun, knledax, knkela,
qnaras, paru spruun, pusu beyax ma,
beyax we meeniq Utux Baro ta kana,
betaq ani knuwan. Ameng!”
13Rmengo kenan ka 1 rudan mpqlahang: “Ima ka mlukus rila bhege nii ho? Pneeyah inu ka dheya?” 14Cmiyuk ku heya: “Tnpusu sapah mu, isu ka mkela.” Rmengo yaku ka heya: “Dheya nii we mcriyu pneeyah paru mqraqil. Wada daha sdoi dara wawa miric psbgurah smino bhege ka rila daha.
15Maanu so kiya de, meniq berah tluungan Utux Baro ka dheya,
ani diyan ani keeman qmeepah Utux Baro ckceka Mrtaso Sapah Thmkuwan na.
Ga tleung tluungan we mdoi kobu mpqlahang dheya.
16Dheya we uxe mpkuure duma, uxe mphqeni uri.
Uxe mpseelaq dheya ka hido,
ani maanu kntlexan uri we uxe mpseelaq dheya.
17Ado wawa miric ga meeniq tluungan hiya ka mptabu dheya,
mpdudul dheya mosa hrean qsiya knuudus.
Utux Baro we sresun na ka kana rusuq doriq daha.”
Currently Selected:
Pntuura 7: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
