Pntuura 8
8
Tg7 Ngayan Pnskraya
1Rmaguh tg7 ngayan pnskraya ciida ka wawa miric de, uka bbsengo dmeka cenga tokey ka ga karac baro. 2Qtaan mu ka 7 snkgulan baro ga mheyu berah Utux Baro. Niqan 7 iyuk ka ga sbege dheya.
3Ga dmoi psaan malu skenux snmalu king meyah mheyu ssiyo spuhan hiya ka 1 dungal snkgulan baro. Egu bale ka malu skenux ga sbege dheya, pspuun na dnurun dsnheyi peeniq daha bobo king spuhan ga berah tluungan. 4Qrengul malu skenux pnspuwan dnurun dsnheyi pneyah baga snkgulan baro we wada mnkala berah Utux Baro. 5Nii mangal psaan malu sknexan ka snkgulan baro, phtngai na puniq pneeyah spuhan ma, sqada na bobo dxeral. Kiya de asi niqan mbruwa, hmrenang, tqwilaq ma, mrunu.
7 Iyuk
6Mhedu psramal mpiiyuk iyuk ka 7 snkgulan baro ga dmoi 7 iyuk.
7Miyuk ka tgkingal snkgulan baro de, asi qniqan quyux huda ma puniq gmaxan dara ga sqada bobo dxeral. 1 tnugtruwan bobo dxeral ma 1 tnugtruwan kana qhuni we wada sqmaun. Wada sqmaun ka kana speriq uri. 8Miyuk ka tg2 snkgulan baro de, asi qdaani ckceka rcilung ka dgiyaq sqama mntena puniq. 1 tnugtruwan rcilung we wada so dara. 9Wada mhuqil ka 1 tnugtruwan smnalu niqan knuudus ckceka rcilung. Wada naqah ka 1 tnugtruwan asu uri.
10Miyuk ka tg3 snkgulan baro de, mtuting peeyah karac baro ka paru pngerah snqama mntena so puniq ga srana, mtuting bobo 1 tnugtruwan yayung ma bobo hrean qsiya. 11Ngayan pngerah nii we “mngihur.” 1 tnugtruwan kana qsiya we wada mngihur. Kiya de ririh qsiya wada mngihur, mhuqil ka hbaro seediq.
12Miyuk ka tg4 snkgulan baro de, 1 tnugtruwan hido, 1 tnugtruwan idas ma, 1 tnugtruwan pngerah we ga sbetun kana. So kiya de 1 tnugtruwan hido, idas ma, pngerah we asi knkuung. 1 tnugtruwan diyan we uka ledax, so kiya ka keeman uri. 13Qmita ku, mbahang ku paru bale hrenang pneeyah qdiro ga skiya karac baro, rmengo: “Smtali bale! Smtali bale! Smtali bale! Seediq ga meniq bobo dxeral, duma 3 snkgulan baro we uxe beyo mpiyuk da!”
Currently Selected:
Pntuura 8: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
