Pntuura 4
4
Tthmuku NBaro
1Bobo na nii de, qmnita ku, taan mu ka karac baro we ga mtraguh ka 1 rhengun. Hrenang qnbhangan mu mntena so mniyuk, plaale ba we rmengo yaku: “Eyah bobo hini, pqtaun misu haya ka noda mmeyah na.” 2Asi ku pdai Bgihur Utux duma, taan mu ga tlaangal baro hiya ka tluungan, niqan 1 ka ga tleung tluungan hiya. 3Kiya ka tleung na we, taan ta so mntena mtumun mgqliyang ma mtumun mtanah. Kiya uri we mtqiri tluungan ka hako utux. Knledax na we mntena so mtumun mgsama taan tluungan. 4Ssiyo tluungan we niqan 24 tluungan. Bobo na hiya we niqan 24 drudan mpqlahang mlukus bhege ma, kmbunuh bunuh king ga tleung hiya. 5Niqan ka wilaq, hrenang ma, mbruwa peeyah ckceka tluungan. Ga meniq berah tluungan we ga srana puniq ka 7 hiru, nii we kiya ka 7 Bgihur Utux Baro. 6Berah tluungan we gagi mntena so rcilung ma so qrari taan.
Ssiyo tluungan we, niqan 4 muudus. Gisu stngayan doriq ka kana heyi daha. 7Tgkingal muudus we mntena so rkelic rudu. Tg2 muudus we mntena dapa balas. Tg3 muudus we so seediq ka dqeras na. Tg4 muudus we mntena qdiro mpskiya. 8Sepac muudus nii we ga niqan 6 palic txtaxa daha. Ani nganguc ani truma heyi na we ga stngayan doriq. Ani diyan, ani keeman ini setuq muyas:
“Mrtaso! Mrtaso! Mrtaso!
Bukung, Utux Baro Pusu Beyax.
Meniq cbeyo, saya ma, nexal betaq ani knuwan!”
9Muudus nii we, sbege daha ga tleung hiya, muudus ani betaq knuwan ka knledax, paru spruun ma, mqaras ciida de, 1024 rudan mpqlahang we asi tgtemaq thmuku ga tleung tluungan, ga muudus ani betaq knuwan. Psaun daha berah tluungan hiya ka bunuh lmedax daha. Rmengo:
11“Bukung nami, Utux Baro nami,
mndungus su mangal knledax, paru spruun ma, pusu beyax.
Ado snmalu su kana ani maanu,
Kana ani maanu we, ririh lnglungan su wada su smleun meniq kana.”
Currently Selected:
Pntuura 4: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
