Markos 2
2
Pkmalu Mnarux Ini Pklgelu
(Mat 9:1-8. Ruk 5:17-26)
1Bobo yaa piya ali meyah dungal Kaparnaom ka Yesu. Wada mbahang sa gaga meniq sapah hiya ka Yesu. 2Kiya de msseli ka hbaro seediq ma betaq uka cenga ka berah rhengun. Kiya de rmengo kari Utux Baro dheya ka Yesu. 3Niqan seediq desun daha Yesu hiya ka kingal mnarux ini klgelu heyi ga spheal 4 seediq. 4Ado hbaro ka seediq ma uka oosa daha Yesu hiya. Kiya de hrahun daha ka dnamux pkelu ga niqan Yesu. Niqan beling de ida kiya tnqiyan na ka mnarux ini klgelu heyi we psdooyun daha ptuting hiya. 5Mita so nii snhiyan daha ka Yesu de rngagan na ka mnarux ini pklgelu: “Laqi, wada srwaan ka qnquwan su da.” 6Tleung hiya ka duma mptpatis ma plngelung lnglungan daha: 7“Ma rmengo so nii ka seediq nii? Wada rmengo kari smngayan Utux Baro ka heya! Wano 1 ba Utux Baro, ima ka mtduwa smruwa qnquwan peni?” 8Asi klai Yesu ka so nii lnglungan daha, kiya de rmengo dheya: “Ma namu so nii lmngelung noda nii ka lnglungan namu ho? 9Rngagan na ka ini pklgelu heyi: Ga inu ka msleexan? ‘Wada srwaan ka qnquwan su da’ ma rmengo duri: ‘Tutuy, angal ka tnqiyan su ma kkesa’ ho? 10Ado pkklaun maku niqan pusu beyax ssruwa qnquwan bobo dxeral ka Laqi seediq,” rngagan na ka mnarux ini klgelu heyi: 11“Rngage su mu. Tutuy! Aangal tqiyan su ma osa sapah su da!” 12Kiya de mtutuy ka seediq gaga ma asi aangal tnqiyan na ma wada mkkesa nganguc berah ba seediq ciida. Mskluwi ba kana ka dheya duma tmdahu Utux Baro, rmengo: “Uxe ta ba qntaan ka so nii da!”
Splawa Yesu ka Lewiy
(Mat 9:9-13. Ruk 5:27-32)
13Mlatac mosa ssiyo rcilung dungal ka Yesu. Meyah heya ka kana knhbaro seediq. Kiya de tgsaan na. 14Wada mkkesa berah na ciida ka Yesu ge, taan na ga tleung ngalan pila nqbsuran ka Lewiy laqi Alhuay. Kesun na rmengo: “Snegul kenan!” Asi tutuy ka heya ma smnegul Yesu da. 15Tleung mekan hnpure sapah Lewiy ka Yesu, hbaro ba ka maangal pila nqbsuran ma seediq niqan qnquwan msuupu tleung Yesu ma tnugsaan na. Ado hbaro ba seediq smnegul heya. 16Taan daha ga msuupu mekan ido dseediq niqan qnquwan noda ma dmaangal pila nqbsuran ka Yesu, kiya de dmptpatis ckceka seediq Parisay we slingan daha ka tnugsaan na: “Msuupu mekan ido dmaangal pila nqbsuran ma naqah seediq ka heya ho?” 17Mbahang ka Yesu de rmengo dheyaan: “Mbeyax heyi na ka seediq we ini iging ising, wano mnarux seediq ka asi ka puising. Uxe ku meyah mlawa msderux noda seediq ka yaku, seediq niqan qnquwan noda ka splawa mu.”
Gaya Ini Ekan
(Mat 9:14-17. Ruk 5:33-39)
18Ga ptgaya ini ekan ka tnugsaan Yohane ma seediq Parisay ciida, meyah rmengo Yesu ka dheya: “Ga ptgaya ini ekan ka tnugsaan Yohane ma tnugsaan seediq Parisay, tnugsaan su ge ma ini ptgaya ini ekan ho?” 19Rmengo dheya ka Yesu: “Msuupu riso pstrengun ciida han ka ddangi ge mtduwa ptgaya ini ekan ka ddangi riso pstrengun peni? Ga meniq hiya msuupu dheya ka riso pstrengun we ini tduwa ptgaya ini ekan. 20Ani so kiya, mpdehuk ka ali ddesun daha ka riso de kika ali mptgaya uxe meekan ka dheya ciida.
21Uka ani ima ka cmapang bgurah galiq gaga cmucac lukus. Nasi mchaya de bgurah galiq cnapang we sgliqun na ka cmucac lukus, maha mrana paru ka mnsgaliq na. 22Uka ani ima ka tmquri bgurah sino ckceka cmucac lubuy qraqil sino. Nasi mchaya de prequn bgurah sino ka cmucac lubuy qraqil sino, pqnaqah ka sino ma lubuy qraqil. Asi ka tqriun bgurah qraqil sino ka bgurah sino.”
Mangal Mugi Ali Sngayan
(Mat 12:1-8. Ruk 6:1-5)
23Niqan 1 ali sngayan, moda qnpahan mugi ka Yesu. Mkleelu ciida we mangal mugi ka tnugsaan na. 24Kiya de rmengo Yesu ka seediq Parisay: “Tai! Ma qmeepah uxe qqpahun ali sngayan ka tnugsaan su!” 25Rmengo dheya ka Yesu: “Ndaan muure asi ka niqan uqun ciida ka Dawid ma seediq smnegul heya ge, ini namu spegi peni? 26Ga qnlhangan Ebyatar paru msapuh ciida, mremux Sapah Thmkuwan Utux Baro ka Dawid ma wada mekan pang snapuh Bukung. Pang snapuh Bukung nii ge wano dmsapuh ka tduwa mekan, asi ka ini uqi ani ima. Wada na speekan seediq smnegul heya ka pang nii uri.” 27Rmengo dheya ka Yesu: “Seediq ka ssmalu na ali sngayan. Uxe ali sngayan ka ssmalu na seediq. 28Maanu so kiya de, Bukung ali sngayan ka Laqi seediq.”
Currently Selected:
Markos 2: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
