Popular Bible Verses from Markos 2

Share

Mbahang ka Yesu de rmengo dheyaan: “Mbeyax heyi na ka seediq we ini iging ising, wano mnarux seediq ka asi ka puising. Uxe ku meyah mlawa msderux noda seediq ka yaku, seediq niqan qnquwan noda ka splawa mu.”

Mita so nii snhiyan daha ka Yesu de rngagan na ka mnarux ini pklgelu: “Laqi, wada srwaan ka qnquwan su da.”

Rmengo dheya ka Yesu: “Seediq ka ssmalu na ali sngayan. Uxe ali sngayan ka ssmalu na seediq.

Ado hbaro ka seediq ma uka oosa daha Yesu hiya. Kiya de hrahun daha ka dnamux pkelu ga niqan Yesu. Niqan beling de ida kiya tnqiyan na ka mnarux ini klgelu heyi we psdooyun daha ptuting hiya.

Ado pkklaun maku niqan pusu beyax ssruwa qnquwan bobo dxeral ka Laqi seediq,” rngagan na ka mnarux ini klgelu heyi: “Rngage su mu. Tutuy! Aangal tqiyan su ma osa sapah su da!”

Rngagan na ka ini pklgelu heyi: Ga inu ka msleexan? ‘Wada srwaan ka qnquwan su da’ ma rmengo duri: ‘Tutuy, angal ka tnqiyan su ma kkesa’ ho?

Kiya de mtutuy ka seediq gaga ma asi aangal tnqiyan na ma wada mkkesa nganguc berah ba seediq ciida. Mskluwi ba kana ka dheya duma tmdahu Utux Baro, rmengo: “Uxe ta ba qntaan ka so nii da!”