Markos 3
3
Pkmalu Mrqeling Icil Baga Sngayan
(Mat 12:9-14. Ruk 6:6-11)
1Mremux sapah pssliyan dungal ka Yesu, meniq hiya ka 1 seediq, mrqeling icil baga na. 2Ado qqberiq daha mege kari, qmlahang bale Yesu ka duma daha ma, yaa na pklmeun ali sngayan ka heya ho? Qmita bale. 3Rngagan na ka seediq mrqeling icil baga: “Tutuy! Heyu ckceka hini!.” 4Kiya de slingan na ka dheya: “Tgiinu ka qqpahun ali sngayan, qmeepah malu ma qmeepah naqah ho? Pkuudus knuudus ma phuqil knuudus ho?” Mgmelux ka dheya. 5Tsseang doriq na mita dheya ka Yesu. Ado mkere lhebun daha ma naqah bale kuxul na. Rngagan na ka seediq rqeling baga: “Hkero baga su!” Hkragun na ka baga na de malu ka baga na da. 6Mosa nganguc ka seediq Parisay ma asi pprengo daha knpruhan seediq Hrodes, mpprengo, huwa ta kesun smterung ma pphuqil ka Yesu.
Smnegul Yesu Ka Hbaro Seediq
7-8Wada mquri siyo rcilung hiya ka Yesu ma tnugsaan na. Hbaro bale seediq pneyah Galil meyah smnegul heya. Dungal we hbaro bale ka seediq mnbahang qneepah Yesu de, peeyah Yudaya, Yerusalem, Idumaia ma quri thngali Yarden ma, quri Turos, Cidon mosa Yesu hiya. 9Ado hbaro ba ka seediq, so uxe pkkeeyux heya ka hbaro ba seediq, psramal 1 asu kesun na dmurun ka tnugsaan na. 10Ado hbaro ba ka seediq wada na pklmeun, kika rinah mqqheruy mkkeeyux ma mktmelung heya ka mnarux seediq. 11Ani knuwan, qmita Yesu ka bgihur naqah de tgtemaq tnbqelic berah na ma mlawa: “Laqi su Utux Baro ka isu!” 12Ksengun na mdakar rmengo bale dmurun ka dheya, iya ku ptraani seediq.
Gmao 12 Snkgulan Yesu
(Mat 10:1-4. Ruk 6:12-16)
13Mosa dgiyaq ka Yesu, splawa na ka seediq ngngalun na. Kiya de mosa heya ka dheya. 14Phyegan na ka 12 heyi kesun na snkgulan. So maha mssuupu ssiyo na ma sskagul na maha gmarang kari. 15Biqun na beyax ppqduriq bgihur naqah uri. 16Pheyu 12 heyi ka Yesu, niqan Simon (Petros kesun na tmngayan ka Yesu). 17Yakobu laqi Cebeday, Yohane mtswai Yakobu (Boanergec, laqi bruwa, kesun na tmngayan ka Yesu). 18Andreas, Pilipos, Bartolomay, Matay ma Tomas, Yakobu laqi Alhuay, Taddai, Pnspuwan mttilux dmayo alang kesun ka Simon. 19Yehudah seediq Iskariot mbaruy Yesu.
Beerjebul Kesun Smngayan ka Yesu
(Mat 12:22-32. Ruk 11:14-23, 12:10)
20Mremux sapah ka Yesu. Meyah msseli dungal ka hbaro seediq. Betaq ini tduwa mekan ido ka Yesu ma tnugsaan na. 21Mbahang so nii ka tnsapah Yesu de, meyah nganguc ma blebil hiya, gaga mkuni ka heya de, mesa ka dheya. 22Rmengo ka dmptpatis pneeyah Yerusalem: “Ga thiqan Beerjebul ka heyi na:” “Spooda na qbsuran utux naqah pqduriq utux naqah ka heya.” 23Tosun na mlawa ka dheya ma spaangal na kari rmengo: “Tduwa pqduriq Satang ka Satang ho? 24Nasi mtg2 ka 1 qnlhangan ge qnlhangan nii ge uka hheyu na. 25Nasi mkeekan ka 1 sapah ge sapah nii ge uxe mptduwa mheyu. 26Nasi tbrinah mccebu heya nanak ma mtg2 ka Satang ge uka hheyu na ma maha mpkuuka. 27Ani ima ini tduwa mremux sapah mkkere heyi seediq ma gmeeluk qyqeya na. Asi ka pllayun na mekuy ka mkkere seediq nii, kika mpdehuk gmeeluk qyqeya sapah na. 28Bale ba rngage maku. Kana naqah seediq ma kana ani maanu kari smngayan daha Utux Baro we srwaun. 29Wano smngayan Bgihur Utux ka seediq we ani betaq knuwan uxe srwaun, spheal na betaq ani knuwan ka qnnaqah na.” 30Ado rmengo ka dheya: “Yesu we ga sdooyun bgihur naqah ka heya.”
Dmtswai ka Seediq Muyu Lnglungan Utux Baro
(Mat 12:46-50. Ruk 8:19-21)
31Ciida, meyah ka bubu Yesu ma dmtswai na. Mheyu nganguc ma smkagul seediq mosa mlawa Yesu. 32Gisu hbaro ba seediq mtlibu mtqiri tleung ssiyo Yesu, rngagan daha ka heya: “Tai! Ga meniq nganguc ka bubu su ma dmtswai su rseno ma dmtswai su mqedil, ga migin sunan?” 33Cmiyuk rmengo ka Yesu: “Ima ka bubu mu ma mtswai mu rseno ho?” 34Pdaan na doriq mita ka seediq tleung mtqiri hiya ma rmengo: “Tai! Bubu mu, mtswai mu rseno! 35Ani ima ka muyu lnglungan Utux Baro we kika mtswai mu rseno ma mtswai mu mqedil ma, bubu mu da.”
Currently Selected:
Markos 3: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
