Mikah 3
3
Tmiyu Mseang Dqbsuran Mdudul Israel
1Kiya de rmengo ku: Dqbsuran mdudul Yakobu, dqbsuran mdayo Israel!
Qbahang ka yamu!
Ini namu klai ka ini psaanak ho?
2Smkuxul namu qnnaqah ma qnrquun namu ka malu,
rmehak namu qraqil heyi seediq mu,
speeyah namu buuc na gmhei.
3Uqun namu ka heyi seediq mu,
rmehaq namu qraqil heyi daha,
gmerung namu buuc daha,
spntena namu so tmetu heyi psaun ribo,
spntena namu so heyi gaga ckceka ribo paru.
4Dehuk ka mqraqil namu, dseediq nii we mpdiras mlawa Utux Tmninun,
kiya we uxe mpciyuk ka heya.
Ciida, ririh qnnaqah noda daha,
mplatac peeyah dheya ka dqeras na.
5Dmpgeela kari gaga psridil rmengo quri dseediq mu,
gisu msekan ka quwaq na ma, asi plawa:
“Mmsbleyaq namu ho!”
Ima ka ini pekan dheya de, asi posa kari cmebu heya.
Rmengo so nii ka Utux Tmninun:
6Kiya ka smterung namu keeman, ini namu qita tuutux.
Pkelu namu mnkuung, uxe namu moda mpsbunul.
Mpquri dmgeela kari mtakur ka hido,
kmpriyux keeman ka diyan.
7Mpqsiqa bale ka dmpgeela kari,
mpqsiqa bale ka mpsbunul,
muubung ngudus daha kana,
ado ini sruwa dheya ka Utux Baro.
8Quri yaku we, mpstama ku Bgihur Utux Tmninun,
thngean ba beyax, ini psanak ma, pahung,
tduwa rmengo Yakobu quri qnnaqah daha,
mptiyu qnquwan noda Israel.
9Qbahang kari nii, dqbsuran mdudul tnsapah Yakobu,
dqbsuran mdayo tnsapah Israel!
Malix namu ini psaanak ka yamu,
psridil namu kana msderux oda ka yamu.
10Dmoi namu dara pheyu Sion,
dmoi namu qnquwan noda smmalu Yerusalem.
11Dqbsuran mdudul alang we pila lnabu ka spooda daha psgao,
ririh sduwan tmgesa ka dmsapuh,
ririh pila moda psbunul ka dmpgeela kari.
Smtama Utux Tmninun ka dheya we, betaq rmengo:
Uka yami hini ka Utux Tmninun peni?
Kiya de uxe meeyah yami ka pnqraqil.
12Kiya de, ririh yamu,
mntena dxeral daun qmeepah ka Sion,
laxun ka Yerusalem,
mptena gaga tgbaro bbuyu ka dgiyaq sapah thmkuwan nii.
Currently Selected:
Mikah 3: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
