Mikah 2
2
Kntuxan Seediq Tmraqil
1Smtali ba! Dseediq gaga lmngelung qqeepah naqah tnqiyan qlapo!
Hani lmedax karac, ado niqan beyax ka baga daha de, asi osa qmeepah naqah.
2Kuxul daha ka dxeral we glekun daha,
mkmaangal sapah we asi geeluk meeniq.
Tmraqil pusu tndxeral ma tnsapah ka dheya,
gmeluk mangal seediq ma pusu dnoi seediq ka dheya.
3Kiya de rmengo so nii ka Utux Tmninun:
Qtai! Mpsramal ku pqraqil meeyah tnsapah nii.
Pqraqil nii we meeniq nduyung namu ma uxe namu laxun,
uxe namu tbleyaq mkkesa,
ado ali mooda mqraqil ka nii.
4Betaq ali ciida, ida meeyah muyas uyas yamu ka seediq,
mpuuyas uyas mbasi, mprengo:
Wada uka kana,
wada sbege seediq ka pusu dnoi seediq mu!
Utux Tmninun we ma na betaq pltadun peeyah yaku ka kiya,
wada sugun dseediq tbrinah ka qnpahan miyan da!
5Kiya de mpkuuka namu seediq meeniq sapah thmkuwan Utux Tmninun ma,
mplebil namu qreti ma mplebil namu negul.
6Gmarang rmengo ka dheya: Iya tgeesa da.
Iya tgeesa oda nii ka seediq,
kiya ka uxe meeyah ita ka qnsiqa.
7Sapah Yakobu! Tduwa su so nii rmengo ho?
Uka knrmenan na ka Utux Tmninun peni?
Bale ba mooda so nii qmeepah ka heya peni?
Yaa bale ba niqan bbrihan dseediq msderux ka kari mu ho?
8Kiya we, mptutui mntena so pais ka seediq mu.
Wada namu ngalun lukus mgbaro ka dseediq mtbleyaq mkkesa ma dseediq ini mkmosa mccebu.
9Wada namu lmiwaq platac dmqedil dseediq mu peeyah ckceka sapah skxelan daha,
dungal we wada namu ngalun peeyah heyi lqlaqi mu betaq ani knuwan ka knledax mu.
10Tutuy, tutui da!
Uxe nniqun tbbleyaq ka hini.
Ado maadis smeeliq ka ini kbgurah,
kiya we maadis paru ba snliqan.
11Nasi uxe bale ka lhebun daha ma, mberiq rmengo ka seediq:
Maangal namu sino bale ma sino mngihur bobo ku rmengo yamu.
Kiya de maha ma seediq mprengo dseediq nii ka heya.
12Sapah Yakobu! Mpsseli ku yamu,
pssliun mu ka mtngari Israel,
pspuun mu peeniq 1 nniqan, mntena so miric Bacrah ma,
mntena so rahul miric gaga tbugan,
egu bale ma, squwaq bale.
13Rmaguh elu we mosa tgberah daha,
moda hmrinas rhengun alang ma, mplatac peeyah rhengun alang.
Gisu mkkesa berah daha ka qbsuran paru daha,
gaga meeniq berah daha ka Utux Tmninun.
Currently Selected:
Mikah 2: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
