Matay 28
28
Muudus Peeyah Hnqilan ka Yesu
(Mrk 16:1-8. Ruk 24:1-12. Yoh 20:1-10)
1Mnhedu ali prading ali 1 cenga sngayan, mpkledax mgrebu ciida, mosa qmita habung ka Maria seediq Magdalene ma daha ka 1 Maria. 2Tai, asi lux meyah ka paru ba runu. Ado peeyah baro meyah ka snkgulan Bukung, tdroyun na ka tasil, kiya de tleung bobo na hiya. 3Mntena wilaq lmedax ka hnyegan na ma mntena huda bhege ka lukus na. 4Mntena ba seediq mnhuqil pkrkerang kniicu daha ka dseediq qnlahang hiya. 5Rmengo daha mqedil ka snkgulan baro: “Iya kiicu. Mkela ku gisu namu migin Yesu pnteetu jyujika. 6Uka hini ka heya da. Ida so rnengo na wada muudus peeyah hnqilan. Aguh ma tai ka snkuwan heya. 7Sai nhari rmengo so nii ka tnugsaan na: ‘Heya ge wada muudus peeyah hnqilan da. Tai, plaale yamu mosa Galil ka heya ma taun namu hiya ka heya.’ Tai, wada ku rmengo yamu da.” 8Asi latac habung ka dheya, miicu bale ma tqqaras bale uri. Tmalang mosa rmengo tnugsaan na. 9Asi sterung dheya ka Yesu, rmengo: “Malu namu ho?” Mosa berah na tmmaku papak na ma thmuku heya ka dheya. 10Rmengo dheya ka Yesu: “Iya kiicu. Sai tmgesa ka mtswai mu, osa Galil kesi ma mpqita namu kenan hiya di.”
Mberiq Smneeru Ka Dpusu Msapuh
11Mosa ciida ka mmqedil, tai, wada alang paru ka duma supi mpqlahang. Saan daha smneeru dpusu msapuh ka kana noda so nii. 12Kiya de msseli ma mpprengo ka dpusu msapuh ma rdrudan mpqlahang. Biqan daha egu pila ka supi. 13Rmengo: “Kesa rmengo ka yamu: ‘Keeman mntaqi miyan ciida we wada yahan gmeeguy tnugsaan na ka heya.’ 14Nasi dehuk birac qbsuran mdudul ka nii de lbuun miyan rmengo ma tai so uxe maha niqan oda ka yamu.” 15Mangal pila ka dsupi de muyu rnengo daha wada daha daan. Kiya de mkgarang ckceka seediq Yudaya betaq saya ka so nii kari daha.
Smkagul Tnugsaan Na ka Yesu
(Mrk 16:14-18. Ruk 24:36-49. Yoh 20:19-23. Qne 1:6-8)
16Mosa Galil ka 11 tnugsaan na, dehuk dgiyaq so rnengo Yesu. 17Qmita Yesu ka dheya de thmuku heya. Kiya de tiiyax lnglungan ka duma daha na. 18Kiya de meyah rmengo dheya ka Yesu: “Gisu ku biqan kana pusu beyax karac baro ma bobo dxeral ka yaku da. 19Kiya de, osa ma ngali tnugsaan mu ka seediq kana qnlangan. Poda ngayan Tama, Laqi ma Bgihur Utux dai ptgaya smino ka dheya. 20Kana rnengo mu kari yamu we ndwai ba muyu kesa tmgesa. Tai! Mpsuupu ku theyaq yamu klaali betaq qnhdean qnlangan nii.”
Currently Selected:
Matay 28: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
