Matay 19
19
Quri Mlaalix
(Mrk 10:1-12)
1Mnhedu rmengo kana kari nii ka Yesu de mlatac Galil ma dehuk sipo Yarden dxeral Yudaya. 2Smnegul heya ka hbaro bale seediq ma pklmeun na hiya. 3Kiya de meyah Yesu hiya ka duma seediq Parisay ma tmraki heya, kiya de rmengo: “Ani maanu ka pusu na, malix mqedil ka rseno we mtduwa ho?” 4Cmiyuk rmengo ka Yesu: “‘Uxe namu snpegan ka kari so nii peni? So ka pnrading smalu seediq we smnalu rseno ma mqedil uri.’ 5Rmengo duri: ‘So kiya, asi ka mswaye peeyah tama ma bubu na ka seediq ma, msuupu mqedil na. 2 heyi we mpkingal heyi.’ 6So kiya de uxe 2 seediq ka dheya, 1 ba heyi da. Maanu so kiya de pnsterung Utux Baro ge, ini tduwa ppalix ka seediq.” 7Rmengo Yesu ka seediq Parisay: “Maanu so kiya de, Moseh we ma posa kari mege patis ptaalix mqedil, tduwa na lixun ka heya da peni?” 8Rmengo dheya ka Yesu: “Ado mkere lhebun namu, kiya ka smruwa ptalix mqedil namu ka Moseh. Kiya de peeyah pnrdingan we uxe so kiya. 9Rngage maku. So ka malix mqedil ma mangal dungal we, nasi uxe mnoda mmhemuc, wada moda qnquwan mmhemuc msuupu da.”
10Rmengo Yesu ka tnugsaan na: “Nasi so kari su nii ka pnugluban mddungus we kani lux mangal mqedil.” 11Rmengo ka Yesu: “Kari nii we uxe kesun mtduwa mangal ka kana seediq. Wano seediq ga biqan ka mtduwa mangal. 12Ado duma seediq ini pndungus psterung peeyah nbuyas bubu, duma seediq we wada gbgaxan ini pndungus msterung. Duma seediq we ini angal mqedil, ado mquri Qnlhangan Baro ka heya. Ima ka mtduwa mangal na we kiya de ngali.”
Smbleyaq Lqlaqi ka Yesu
(Mrk 10:13-16. Ruk 18:15-17)
13Ciida, niqan seediq madis lqlaqi daha meyah Yesu hiya. So maha ptelung baga Yesu heyi daha ma dmurun dheya. Kiya de mseang dheya ka tnugsaan na. 14Kiya de rmengo ka Yesu: “Peeyah kenan hini ka laqi, iya htrani. Ado so nii ka seediq ga meniq qnlhangan Baro.” 15Posa baga heyi daha ka Yesu, kiya de mlatac peeyah hiya.
Migin Uka Psteqan Knuudus Ka Riso Mbleyaq
(Mrk 10:17-31. Ruk 18:18-30)
16Tai, niqan 1 seediq meyah berah Yesu, rmengo: “Mptgesa, mpqeepah ku maanu malu qpahun kiya ka mptduwa ku mangal uka psteqan knuudus ho?” 17Rmengo heya ka Yesu: “Ma su smiling kenan quri malu ooda ho? Wano 1 ba Utux Baro ka malu. Nasi su mkmremux uka psteqan knuudus we ndwai ba muyu ka gaya pndakar.” 18Smiling Yesu ka heya: “Kenu ka gaya pndakar ho?” Rmengo ka Yesu: “Iya phuqil seediq, iya mmhemuc msuupu, iya geeguy, iya qberiq smdehu kari, 19sprui ka tama ma bubu, ptnaani so gmaalu su sunan nanak glaani ka ssiyo su.” 20Rmengo Yesu ka riso nii: “Wada mu daun kana ka nii da, maanu ka ini pttuku na ho?” 21Rmengo heya ka Yesu: “Nasi su mttuku bale we sai maruy ka kana dnoi su ma bqani qrinuc. So kiya de maha niqan dnoi su karac baro. Kiya de eyah smnegul kenan.” 22Mbahang kari nii ka riso de naqah kuxul na wada da. Ado egu bale ka dnoi na.
23Kiya de rmengo tnugsaan na ka Yesu: “Bale ba rngage maku. Mremux qnlhangan Utux Baro ka mbleyaq seediq we teyal ba mqriqu!” 24Rngage maku dungal: “Mremux qnlhangan Utux Baro ka mbleyaq seediq we nuuqu msleexan mooda beling qumi ka dapa bukung!” 25Mbahang so nii ka tnugsaan na de mskluwi bale duma rmengo: “So kiya de ima ka mtduwa pkdusun da ho?” 26Tlleus qmita dheya ka Yesu ma rmengo: “Ini tgkeela ka seediq, uxe so kiya ka Utux Baro. Utux Baro we tgklaan na kana.” 27Ciida cmiyuk rmengo ka Petros: “Tai, wada miyan laxan ka kana ma smnegul miyan sunan. So kiya de maanu ka ngalun miyan ho?” 28Rmengo dheya ka Yesu: “Bale ba rngage maku, pdehuk ka psbgurah kana ani maanu, mptleung bobo tluungan knledax na ciida ka Laqi seediq. Yamu nii smnegul kenan we mptleung namu 12 tluungun uri ma mpsgao namu lqlaqi 12 pnswayan rudan Israel. 29Ani ima ado ngayan mu wada malix sapah, mtswai rseno, mtswai mqedil, tama, bubu, laqi ma qnpahan na we maangal 1'00 mnrana ma maangal uka psteqan knuudus uri. 30Kiya de hbaro ka ga plaale we mpthiti, ga mghiti we mpgeela.”
Currently Selected:
Matay 19: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
