Matay 20
20
Pnungalan Kari Qnpahan Tlulu
1“Ado Qnlhangan Baro ge mntena so 1 tnpusu sapah, mgrebu ba mosa migin seediq sduwan pqpahun na qnpahan na lipas ka tnpusu sapah. 21 ali 1 hbangan ka pnsdhegan daha ma skgulan na qnpahan na lipas ka dmpqeepah. 3Kiya de yaa nii ba mgrebu 9 toke mosa nganguc ka heya. Taan na ida niqan ka duma seediq uka oda daha nii mheyu bbrigan hiya. 4Kiya de rmengo dheya: ‘Osa qnpahan lipas ka yamu uri. Ida mu bbege we bege mu yamu.’ Mosa ka dheya da. 5Yaa ceka naali 12 toke ma gbiyan 3 toke mosa nganguc dungal ka heya. So kiya ka noda na uri. 6Yaa gbiyan 5 toke mosa nganguc dungal ka heya. Taan na ida niqan seediq na gaga mheyu hiya. Kiya de smiling dheya: ‘Hmuwa, ma namu gisu tmkaxa msange mheyu hini ho?’ 7Cmiyuk rmengo ka dheya: ‘Ado uka ka msadu menan.’ Kiya de rngagan na: ‘Yamu uri we osa qnpahan lipas.’ 8Gbiyan de rmengo pstmaan na ka tnpusu qnpahan lipas: ‘Plaani ka dmpqeepah, biqi sntkean daha pyahani tnhiti meyah ma betaq pnlaale meyah.’ 9Meyah ka dseediq snduwan na peeyah gbiyan 5 toke de, ida maangal 1 hbangan txtaxa daha. 10Meyah ka dseediq pnlaale ma, ida maha egu hari ka ngalun ta ka ita mesa lmngelung. Kiya de ida 1 ba hbangan ka ngalun daha uri. 11Kiya de mnangal sntkean ciida we smnetur rmengo tnqnpahan, 12rmengo: ‘Dseediq mnhiti na we wano 1 ba toke ka qneepah daha, yami ge knremun miyan ba mbqerus ma kntlexan. Ma su spntena dheya mege ka yami da ho?’ 13Cmiyuk rmengo 1 seediq daha ka tnqpahan: ‘Dangi, ini ku kraki sunan. Uxe ta pnspuwan msdehu ka 1 hbangan peni? 14Aangal ka nnisu ma osa da! Lnglungan mu ka spntena mu sunan mege ka tnhiti seediq. 15Spoda mu lnglungan mu nanak dmoi ka qyqeya mu we ini tduwa peni? Uxe uri we ado mnughuwe lnglungan mu de qmnriqu su qmita da ho?’ 16Maanu so kiya de tnhiti we mpgeela, ga mgeela we mpthiti.”
Mn3 Rmengo Kari Pgeela Hhuqil ma Muudus ka Yesu
(Mrk 10:32-34. Ruk 18:31-34)
17Mosa Yerusalem ciida ka Yesu, desun na icil ka 12 tnugsaan mkleelu hiya. Rmengo dheya: 18“Tai, ita we maha ta Yerusalem. Laqi seediq we bbege daha baga dparu msapuh ma dmptpatis. Kiya de ngalun daha mndungus pphqilun, 19bbege daha seediq icil qnlhangan, pphlisun daha, sbetun daha ma spteetu daha jyujika. Mk3 de pkdusun peeyah hnqilan.”
Mqbsuran ma Mptnqliyan
(Mrk 10:35-45)
20Ciida, bubu laqi Cebeday we msuupu 2 laqi na meyah tmbqelic berah Yesu, mesa 1 ooda. 21Rmengo heya ka Yesu: “Mesa su maanu ho?” Rmengo ka heya: “Braho su, meeniq qnlhangan su hiya ka 2 laqi mu nii we 1 ka ptleung narac su ma 1 we ptleung iril su.” 22Cmiyuk rmengo ka Yesu: “Ini namu klai gaga namu mesa maanu ka yamu? Dhekun namu mimah ka pngerah mmahun mu ho?” Rmengo ka dheya: “Dhekun nami!” 23Rmengo dheya ka Yesu: “Mmahun mu pngerah nii we miimah namu. Kiya de ptleung narac ma iril mu we uxe yaku ka tduwa mege. Tama mu we pnsramal na ima ge kiya ka sbege na heya.” 24Mbahang nii ka 10 heyi tnsaan de kseengun daha ka 2 heyi mtswai. 25Kiya de mlawa dheya ka Yesu, rmengo: “Klaun namu, niqan tgqbsuran dmudul qmlahang dheya ka seediq icil qnlhangan, niqan qbsuran paru qmlahang dheya. 26Ckceka namu we uxe maha so kiya. Ani ima mpkparu ckceka namu ge, asi ka mtnqliyan yamu. 27Ani ima mpqbsuran ckceka namu ge, asi ka mtnqliyan kana namu. 28Mntena so sun Laqi seediq uri we uxe meyah pqeepah seediq ka heya, seediq ka sqeepah na ka heya. Spririh na dungal ka knuudus na gmberih maruy hbaro seediq.”
Pkmalu 2 Mbudu Ka Yesu
(Mrk 10:46-52. Ruk 18:35-43)
29Mlatac peeyah Yerixo ka dheya ciida, niqan hbaro ba seediq smnegul Yesu. 30Tai, niqan 2 mbudu seediq ga tleung ssiyo elu. Wada mbahang gisu moda hiya ka Yesu de mdiras mlawa: “Bukung! Laqi Dawid, glaani nami!” 31Mseang dheya ka hbaro seediq, iya squwaq kesun daha. Krinah mdiras mlawa ka dheya: “Bukung! Laqi Dawid, glaani nami!” 32Asi heyu ka Yesu ma mlawa dheya: “Ado yamu maanu ka oda mu meepah yamu ho?” 33Rmengo ka dheya: “Bukung! Braho su rwahi ka doriq nami!” 34Gmaalu bale dheya ka lhebun Yesu, kiya de tmelung doriq daha. Wada asi qita ka dheya, kiya de smnegul Yesu da.
Currently Selected:
Matay 20: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
