Matay 16
16
Mesa Pnskraya
(Mrk 8:11-13. Ruk 12:54-56)
1Meyah tmraki Yesu ka duma seediq Parisay ma Sadokay, mesa qqita daha pnskraya peeyah baro heya ka dheya. 2Cmiyuk rmengo dheya ka Yesu: “Gbiyan, mtanah ka karac ma mprengo namu: ‘Mpmalu karac ka kusun.’ 3Mgrebu, mtanah ma msurung ka karac, kiya de rmengo namu: ‘Mpquyux ba ka saya.’ Klaun namu psaanak qmita ka karac. Kiya de ini namu klai psaanak qmita ka pnskraya noda ali saya ho? 4Mesa pnskraya ka naqah ma mmhemuc msuupu mknexal saya! Wano pnskraya Yonah nii, uka ani maanu pnskraya bege ali saya.” Kiya de mlatac dheya ka Yesu, wada da.
Qlahang Tgeda seediq Parisay ma dSadokay
(Mrk 8:14-21)
5Mntaril siyo tgsipo ka tnugsaan na, cmhungi maadis pang. 6Rmengo dheya ka Yesu: “Qlahang ba ka yamu, qlhangi ba ka tgeda seediq Parisay ma Sadokay.” 7Mpprengo ka tnugsaan na: “Ado ini ta adis pang.” 8Mkela ka Yesu de, rmengo: “Ah! Seediq biciq ba snhiyan! Hmuwa, ma namu mpprengo uka pang ho? 9Ini namu kela nana ho? Wada namu chngiyan ka 5 pang sbege 50'00 seediq, wada piya rawa ka pnsseli namu nemu ho? 10Wada namu chngiyan dungal ka 7 pang sbege 40'00 seediq, wada piya rawa ka pnsseli namu nemu ho? 11Ma namu ini kela, uxe quri pang ka gaga mu srengo ho? Yamu we qlahang ba tgeda seediq Parisay ma Sadokay.” 12Kiya de hani mkela lmngelung ka tnugsaan na. Uxe gaga rmengo tgeda seediq Parisay ma Sadokay ka heya. Gaga rmengo qqlahang tnugesa seediq Parisay ma dSadokay.
Petros Mkela Kiristo we Yesu
(Mrk 8:27-30. Ruk 9:18-21)
13Meyah dxeral Pilipi Kaisareia ka Yesu, smiling tnugsaan na: “Ima kesun ku daha ka dseediq ho?” 14Rmengo ka dheya: “Duma we Yohane mptgaya smino. Duma we Eliyah. Duma dungal we Yirmeyah uxe uri we 1 mpgeela kari.” 15Rmengo dheya ka Yesu: “Ima kesun namu ka yaku ho?” 16Cmiyuk rmengo ka Simon Petros: “Isu we Kiristo, laqi Utux Baro muudus ani knuwan.” 17Rmengo heya ka Yesu: “Simon, laqi Yonah, mbleyaq su ka isu. Ado uxe seediq ka pnugkela sunan, Tama mu ga baro ka pnugkela sunan. 18Mprengo ku isu na. Isu ge Petros, mpsmalu ku pssliyan mu meniq bobo tasil nii. Beyax tuxan mkuung we uxe mpkbeyax heya. 19Bege mu sunan ka ruhu Qnlhangan Baro. Ani maanu bkean su bobo dxeral hini we bkeun baro hiya uri. Ani maanu lhlahun su bobo dxeral hini we lhlahun baro hiya uri.” 20Bobo na ciida de, rmengo tnugsaan na, iya sai rmengo ani ima ka heya we Kiristo.
Kari Pgeela Rmengo Mpqraqil ma Muudus Hnqilan Yesu
(Mrk 8:31-9:1. Ruk 9:22-27)
21Peeyah ciida, prading psleexan pgkela tnugsaan na ka Yesu. Heya we asi ka mosa Yerusalem, mooda egu ba mqraqil meniq baga rdrudan mpqlahang, dpusu msapuh ma dmptpatis. Kiya de phqilun ku daha ma mk3 de mpkuudus ku peeyah hnqilan. 22Petros de tlusun na mosa ssiyo ka Yesu, mseang rmengo: “Bukung! Iya so kiya! Uxe bale mpkchaya meyah heyi su ka ooda nii!” 23Mspgeriq ka Yesu ma rmengo Petros: “Satang, brinah osa bukuy mu! Isu we tasil pskripuc kenan. Ado ini su lnglungi ooda Utux Baro, wano quri seediq ka lnglungun su.” 24Kiya de rmengo tnugsaan na ka Yesu: “Nasi niqan ka seediq kmsnegul kenan, asi ka malix heya. Paani ka jyujika na snegul kenan. 25Kmpkuudus knuudus na ka seediq we pgdangun na ka knuudus na. Ado yaku ka shuqil na ka seediq we bale ba mpkuudus. 26Nasi na ngalun kana ka bobo dxeral ka seediq, wada sprireh knuudus na de, maanu spririh na ho? Maanu ka ngngalun su spririh knuudus su ho? 27Mpeeniq ckceka knledax Tama na, mpsuupu theyaq hbaro snkgulan baro meyah ka Laqi seediq. Ciida, mpuyu qneepah txtaxa heyi cmiyuk ka Heya. 28Bale ba rngage maku, duma seediq nii mheyu hini, ini namu huqil na we mqita Laqi Seediq mtuting ckceka qnlhangan na.”
Currently Selected:
Matay 16: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
