Yehosua 5
5
1Dqbsuran paru seediq Amori ma dqbsuran paru seediq Kenaan smdaling rcilung we, mnbahang Utux Tmninun wada dmengu qsiya yayung Yarden berah seediq Israel ma, betaq wada mtaril yayung ka dheya de, mgedang lnglungan daha ma miicu lhebun daha betaq uka pahung daha smterung seediq Israel.
Moda Ptgaya Psalak Gilgal
2Ciida, rmengo Yehosua ka Utux Tmninun: “Lpaxi yayu qrari putung ma snpsali moda dungal ka ptgaya smalak seediq Israel.” 3Kiya de smalu yayu qrari putung ka Yehosua ma, ptgaya smalak seediq Israel meeniq dgiyaq Harare hiya. 4Pusu sooda ptgaya smalak Yehosua ge so nii: Dseediq mnlatac pneeyah Micrayim, kiya ka kana mbbeyax mkela mccebu na we, wada mhuqil elu tadus brenux ka dheya da. 5Mnoda ptgaya psalak kana ka dseediq mnlatac Micrayim nii. Kiya de bobo mnlatac Micrayim, kiya ka mntuting elu tadus brenux we, ini oda ptgaya psalak nana. 6Ado 40 knkawas knksaan daha meeniq tadus brenux ka seediq Israel. Wada mhuqil kana ka dseediq mkela mccebu, kiya ka mnlatac pneeyah Micrayim. Ado dheya we ini qbahang kari Utux Tmninun. Sndehu dheya ka Utux Tmninun, uxe na srwaun pqita dxeral bbege na ita sndhegan na pusu rdrudan ta, kiya ka dxeral psbyeqan nunuh ma walu. 7Kiya de lqlaqi laqi daha, kiya ka pnheyu mplutuc dheya we, ini ooda ptgaya psalak ka dheya na. Ado ini ooda ptgaya psalak meeniq elu ka dheya. Kiya de mooda ptgaya psalak dheya ka Yehosua.
8Wada moda ptgaya psalak kana ka seediq de, msange meniq kobu daha betaq malu ka dheya. 9Rmengo Yehosua ka Utux Tmninun: “Wada mu pkngalun ali saya ka qnsiqa Micrayim peeyah heyi namu da.” So kiya de, Gilgal kesun daha tmngayan betaq ali saya ka dxeral kiya.
Smesung Smseman Hrnasan Meeniq Gilgal
10Pkobu meniq Gilgal hiya ka seediq Israel. Moda smseman hrnasan breenux Yerixo gbiyan 14 ali idas ciida. 11Tg2 ali smseman hrnasan de, mekan uqun pneyah dxeral hiya ka dheya. Ali ba ciida, mnekan pang ini psai tgeda ma, mugi nuduh hiya. 12Tg2 ali mnekan uqun pneeyah dxeral hiya ka dheya de, msetuq ka mana da. Uka mana ka seediq Israel di. Knkawas kiya, mnekan uqun pneeyah dxeral Kenaan ka dheya.
Mdudul Supi NuUtux Baro
13Smdaling Yerixo ciida ka Yehosua, pheyu doriq na qmita. Qtai! Niqan 1 seediq gisu mheyu berah na. Baga na we gisu hmgeluq hlmadac. Mosa hiya ka Yehosua, rmengo heya: “Isu we ndyami ho? Uxe uri we ya su ndsupi pais miyan ho?” 14Rmengo ka heya: “Uxe. Yaku saya we, mdudul supi nuUtux Tmninun.” Tmbqelic thmuku heya ka Yehosua ma, rmengo: “Bukung mu! Maanu ka rrengo su, tgsai tnqliyan su!” 15Rmengo Yehosua ka mdudul supi nuUtux Tmninun: “Lhelah peeyah papak su ka ramil su. Ado mrtaso ka nniqan gaga su hyegan.” Kiya de muyu kari nii moda ka Yehosua.
Currently Selected:
Yehosua 5: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
