Yehosua 3
3
Mtaril Yayung Yarden ka Seediq Israel
1Mtutuy mgrebu ba ka Yehosua ma msuupu seediq Israel mlatac kndalax Sitim mosa ssiyo yayung Yarden. Berah mpntaril yayung we meniq hiya. 2Bobo mk3 ali de mooda rmigo kobu ka dmpdudul. 3Rmengo seediq: “Qmita namu gisu mheal kulu pnsdhegan nuUtux Tmninun, Utux Baro ka dmsapuh tnsapah Lewiy we, asi namu ka mlatac peeyah nniqan namu ma, snegul bukuy kulu pnsdhegan. 4Kiya de klaun namu ka elu ddaun namu. Ado elu nii we uxe namu knksaan. Iya sai smdaling ka kulu pnsdhegan ma, sthyai 20'00 sese ka kulu pnsdhegan.” 5Rmengo seediq ka Yehosua: “Yamu we pkrtaso yamu nanak. Ado mpqeepah sklwiun bale yamu kusun ka Utux Tmninun.” 6Rmengo msapuh ka Yehosua: “Phlani ka kulu pnsdhegan namu, pheli moda berah seediq.” Kiya de mheal kulu pnsdhegan ka dheya ma, mkkesa berah seediq ka dheya.
7Rmengo Yehosua ka Utux Tmninun: “Peeyah saya, pspruun misu paru berah seediq Israel. So maha mkela hmnuwa ku mntheyaq Moseh we, mpkeso ku kiya theyaq sunan uri. 8Rngagi ka dmsapuh mpheal kulu pnsdhegan: ‘Dehuk namu ssiyo qsiya yayung Yarden de heyu ckceka yayung Yarden hiya.’” 9Rmengo seediq Israel ka Yehosua: “Eyah berah! Yaku hini. Bhangi ka kari Utux Tmninun, Utux Baro namu.” 10Rmengo ka Yehosua: “Ririh noda nii, maha namu klaun ka gaga meniq ckceka namu ka Utux Baro muudus betaq ani knuwan. Peeyah berah namu, heya we mpliwaq seediq Kenaan, Xet, Xiwiy, Perijiy, Girgas, Amori ma Yebus. 11Qtai! Mpgeela yamu mtaril yayung Yarden ka kulu pnsdhegan nBukung Kana Dxeral. 12Saya de geegi 12 heyi peeyah 12 pnswayan rudan Israel. Pyahi pnkingal heyi ka pnswayan rdrudan. 13Qmleqah qsiya yayung Yarden ka qapal papak dmsapuh mheal kulu pnsdhegan nBukung Kana Dxeral Utux Tmninun ciida de, maha msetuq ma mpheyu so qnabil qsiya yayung Yarden pneeyah baro.”
14Mlatac kobu ma mptaril yayung Yarden ka seediq, dmsapuh mheal kulu pnsdhegan we meniq berah seediq. 15Pkelu ktean ka ciida ma, stenge ka qsiya yayung Yarden betaq ssiyo. Betaq yayung Yarden ka dseediq mheal kulu pnsdhegan. Papak dseediq mheal kulu pnsdhegan we mremux qsiya ssiyo yayung. 16Kiya de asi sange ma, mheyu so qnabil ka qsiya pneeyah baro gaga theya, msaange meeniq alang Adam ssiyo Cartan. Asi ksetuq kana ka qsiya mquri yayung Araba, kiya ka qsiya toma yayung rcilung Mhuqil. Kiya de mtaril yayung meniq sipo Yerixo ka seediq. 17Tgdehu riyung mheyu dxeral mdengu ckceka yayung Yarden ka dmsapuh mheal kulu pnsdhegan Utux Tmninun. Moda dxeral mdengu ka seediq Israel ma, betaq wada mhedu mtaril yayung Yarden kana ka seediq.
Currently Selected:
Yehosua 3: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
