Yehosua 20
20
Alang Qdriqan
(Spe 35:9-28. Meg 19:1-13)
1Rmengo Yehosua ka Utux Tmninun. 2“Rngagi ka seediq Israel: Yamu we asi namu ka muyu pnooda mu Moseh rnengo na yamu, smlei alang qdriqan ka yamu. 3Kiya ka tduwa qduriq hiya ka dseediq uxe mnseung wada phuqil seediq. Alang nii we kiya ka ssaun namu qduriq dseediq mciyuk psdara. 4Dseediq pnhuqil seediq we asi ka mremux 1 alang na nii. Mpheyu rhengun alang ma, srengo na rdrudan alang hiya ka ndaan na. Kiya de desun daha premux alang kiya ka heya ma biqun daha nniqun hiya. Pniqun daha ckceka hiya ka heya. 5Nasi meyah smdurak heya ka mpciyuk psdara na we, ddrudan we asi ka ini biqi gaga mciyuk psdara nii ka heya. Ado heya we uxe nseengan na phuqil ssiyo na. Ckceka daha uri we uka ka qmnriqu han. 6Heya we asi ka mosa meniq alang hiya, betaq moda mprengo mheyu kana seediq hiya. Mtara betaq wada mhuqil ka paru msapuh de, tduwa brinah sapah na, kiya ka alang qndriqan na ka seediq pnhuqil seediq nii.”
7Kiya de, seediq Israel we psnakan daha Qedes gaga Galil ddgiyaq Naptaliy, Sekem gaga ddgiyaq Eprayim ma, Qiryat Arba gaga ddgiyaq Yehudah ma, Xebron ka Qiryat Arba. 8Mosa quri sipo yayung Yarden ka dheya, kiya ka nklaan hido Yerixo. Peeyah pnswayan rudan Reuben, smalu Becer meeniq brenux tadus brenux. Peeyah pnswayan rudan Gad we, smalu Ramot gaga Gilad. Peeyah pnswayan rudan Menaseh we, smalu Golan gaga Basan. 9Lualang nii we pnheyu dseediq Israel ma dseediq noda ckceka daha ka nii. Kana uxe nseung phuqil seediq na we ani nak qduriq hiya. Kiya de uxe mphuqil baga dseediq mciyuk psdara ka dheya. Betaq tduwa mheyu mpprengo berah seediq hiya ka dheya.
Currently Selected:
Yehosua 20: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
