Yehosua 19
19
Dxeral Nsugan Simeon
1Pnooda blebil qreti tg2 we Simeon. Pnooda pnswayan rudan nangal daha dxeral we gaga meniq ckceka seediq Yehudah. 2Dxeral nangal daha we so nii, Beerseba, Seba, Moladah, 3Xacar Sual, Balah, Ecem, 4Eltolad, Betul, Xormah, 5Ciqlag, Bet Markabot, Xacar Susah, 6Bet Lebaot ma Saruxen. Kana ba we 13 alang ma lualang ssiyo na hiya. 7Dungal we Ayin, Rimon, Eter ma, Asan. Kana ba we 4 alang ma lualang ssiyo na hiya. 8Kana lualang mtqiri kana lualang nii, betaq Baalat Beer, kiya ka Ramat dxeral Negeb. Pnooda pnswayan rudan nangal dxeral seediq Simeon ka nii. 9Dxeral nangal seediq Simeon we pneeyah dxeral seediq Yehudah. Ado wada msngari ka dxeral nangal seediq Yehudah. Kiya ka mangal peeyah dxeral seediq Yehudah ka seediq Simeon.
Dxeral Nsugan Jebulun
10Pnooda blebil qreti tg3 we Jebulun. Ayus dxeral daha we ida wada betaq Sarid. 11Ayus dxeral quri pryaxan hido we mquri daya betaq Maralah dheqan betaq Dabeset. Dungal we betaq Yoqneam berah yayung. 12Dungal we peeyah Sarid, mqquri nklaan hido. Mooda ayus Kislot Tabor betaq Dabrat. Dungal we mgkala baro betaq Yapia. 13Dungal we peeyah hiya mquri nklaan hido, moda Gat Xeper betaq Et Qacin, hmrinas betaq Rimon mquri betaq Neah. 14Ayus dxeral quri tgdaya nii we moda mtqiri Niya betaq Xanaton, msderux betaq ayu Yiptax El. 15Kiya ka kana Qatat, Nahalal, Simron, Yidala ma, Betlexem. Kana ba we 12 alang ma lualang ssiyo na hiya. 16Kiya ka pnooda pnswayan rudan nangal lualang ma lualang ssiyo na hiya ka seediq Jebulun.
Dxeral Nsugan Yisaskar
17Pnooda blebil qreti tg4 we Yisaskar. 18Ayus dxeral daha we betaq Yijreel, Qesulot, Sunem, 19Xaparayim, Sion, Anaxarat, 20Rabit, Qisyon, Ebec, 21Remet, Eyn Gagim, Eyn Xadah ma, Bet Pacec. 22Ayus dxeral nii we betaq Tabor, Saxaciymah ma, Bet Semes. Ayus dxeral daha we betaq yayung Yarden hiya. Kana ba we 16 alang ma lualang ssiyo na hiya. 23Kiya ka pnooda pnswayan rudan nangal lualang ma lualang ssiyo na hiya ka seediq Yisaskar ka nii.
Dxeral Nsugan Aser
24Pnooda blebil qreti tg5 we Aser. 25Ayus dxeral daha we Xelqat, Xaliy, Beten, Aksap, 26Alamelek, Amad, Misal ma mquri pryaxan hido betaq Karmel, dungal we betaq Sixor Libnat. 27Mquri so nklaan hido we Bet Dagon, betaq Jebulun, betaq ayu Yiptax El ma, Bet Haemeq ma Neiel. Hmrinas betaq iril ssiyo Kebul. 28Dungal we betaq Ebron, Rexob, Xamon ma, Qanah betaq Cidon paru alang. 29Ayus dxeral nii we mgeriq mquri betaq Ramah, msderux betaq alang Cor pnharac. Ayus dxeral nii we mgeriq betaq Xosah, smdaling dxeral ssiyo Akjib ma, msderux asi betaq rcilung. 30Dungal we niqan Umah, Apeq ma, Rexob. Kana ba we 22 alang ma lualang ssiyo na hiya. 31Kiya ka pnooda pnswayan rudan nangal lualang ma lualang ssiyo na hiya ka seediq Aser ka nii.
Dxeral Nsugan Naptaliy
32Pnooda blebil qreti tg5 we Naptaliy. 33Ayus dxeral daha we peeyah Xelep, peeyah raus Caananim, moda Adami Neqeb ma Yabneel, msderux betaq Laqum ma, asi ksderux betaq yayung Yarden. 34Ayus dxeral nii we mquri pryaxan hido ma spgeriq betaq Ajnot Tabor. Peeyah hiya hmrinas Xuqoq. Mquri tgtruma we betaq Jebulun, mquri pryaxan hido we betaq Aser. Mquri so nklaan hido we betaq Yehudah yayung Yarden hiya. 35Alang mbeyax we niqan Cidim, Cer, Xamat, Raqat, Kineret, 36Adamah, Ramah, Xacor, 37Qedes, Edrei, Eyn Xacor, 38Yiron, Migdal El, Xarem, Bet Anat ma, Bet Semes. Kana ba we 19 alang ma lualang ssiyo na hiya. 39Kiya ka pnooda pnswayan rudan nangal lualang ma lualang ssiyo na hiya ka seediq Naptaliy ka nii.
Dxeral Nsugan Dan
40Pnooda pnswayan rudan wada mangal tg7 blebil qreti ka Dan. 41Ayus dxeral daha we Carah, Estaol, Iyr Semes, 42Saraping, Ayalon, Yitlah, 43Eylon, Timnah, Eqron, 44Elteqe, Gibton, Baalah, 45Yehud, Beney Beraq, Gat Rimon, 46Myakun, Raqon ma, dxeral sipo Yapo. 47Bobo wada uka dxeral daha ka lqlaqi laqi Dan de, mosa tgdaya mccebu mangal Lesem. Dmnoi hlmadac phuqil seediq ckceka alang hiya. Ngalan daha ka alang de, meniq hiya ka dheya. Lesem kesun daha tmngayan pusu rudan daha Dan ka alang. 48Kiya ka pnooda pnswayan rudan nangal lualang ma lualang ssiyo na hiya ka seediq Dan ka nii.
Lualang Nsugan Yehosua
49Bobo mnhedu msaasu dxeral daha ka seediq Israel de, biqan daha dxeral ckceka daha ka Yehosua laqi Nun. 50Pnuyu daha rnengo Utux Tmninun, lualang ngngalun Yehosua we, kiya ka Timnat Serax gaga ddgiyaq Eprayim ka sbege daha heya. Yehosua we sslmeun na ka alang kiya de, meeniq hiya ka heya. 51Kiya ka pnooda blebil qreti nsugan daha dxeral Elajar msapuh ma, Yehosua laqi Nun ma, dpusu mdudul txtaxa pnswayan rudan Israel meniq rhengun kobu Siylo berah Utux Tmninun ka nii. So kiya de mhedu mooda maasu dxeral noda nii ka dheya da.
Currently Selected:
Yehosua 19: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
