Yehosua 14
14
Maasu Dxeral Pryaxan Hido Yayung Yarden
1Pusu dnoi seediq Israel meniq dxeral Kenaan ka nii. Kiya ka nsugan Elajar msapuh, Yehosua laqi Nun ma, dmpdudul knkingal pnswayan rudan Israel ka nii. 2Pnuyu daha tnugesa Utux Tmninun rnengo na Moseh, blebil qreti maasu pusu dnoi 9 ma dmeka pnswayan rudan ka dheya. 3Tena wada saasu mege nklaan hido yayung Yarden Moseh ka 2 pnswayan rudan. Kiya de we, ckceka daha we ini na sugi pusu dnoi ka seediq Lewiy. 4Ado wada dmeka ka lqlaqi laqi Yosehu, kiya ka Menaseh ma Eprayim. Ani daha ini psugi pusu dnoi ka seediq Lewiy we, biqun daha ka lualang nniqun ma, ddxeral nganguc ssiyo lualang ssaun daha tmabu tnbugan ma posa qyqeya daha. 5Huwa mesa tnugesa na Moseh ka Utux Tmninun we, so nii moda ka seediq Israel, wada daha saasu ka dxeral.
Mangal Xebron ka Kaleb
6Meyah Gilgal Yehosua hiya ka seediq Yehudah ma Kaleb laqi Yepuneh seediq Qenijiy, rmengo Yehosua: “Klaun su ka kari nuUtux Tmninun, rnengo na Moseh seediq mrtaso meniq Qades Barnea hiya. 7Smnkagul kenan peeyah Qades Barnea ka Moseh tnqliyan Utux Tmninun ciida we, 40 ku knkawas. Wada mu srengo heya ka kari pneeyah lhebun mu. 8Ani wada smiicu seediq ka dmtswai mntheyaq kenan we, ida ku pskingal smnegul Utux Tmninun, Utux Baro mu ka yaku. 9Ali ciida, wada smdehu rmengo kenan ka Moseh: ‘Dxeral qnleqah papak su we maha ngalun pusu dnoi su ma lqlaqi laqi su ani betaq knuwan. Ado pskingal su ba lhebun smnegul su Utux Tmninun, Utux Baro mu.’ 10Saya, qtai! Pnooda rnengo Utux Tmninun, gisu ku na prnaan pkuudus 45 knkawas na. Mtnooda tadus brenux ciida ka seediq Israel, rmnengo kari so nii Moseh ka Utux Tmninun. Saya, qtai! 85 knkawas mu da. 11Gisu ku mbeyax ka saya na, mntena ku so ali snkgulan ku na Moseh ciida. Ani ku mosa mccebu, mkkesa ani niinu we, mntena beyax mu ciida ka beyax mu saya. 12Braho su, biqi ku hiya ka dxeral ddgiyaq rnengo Utux Tmninun nii. Ciida, mnbahang su ka isu uri. Seediq mneniq hini we, seediq Anaq ma msdehu riyung ka lualang daha. Nhuwa mpuyu kari Utux Tmninun mptheyaq kenan ka heya ma, dhekun mu lmiwaq ka dheya.”
13Kiya de smbleyaq Kaleb laqi Yepuneh ka Yehosua ma, sbege na heya ka Xebron. 14Kiya de betaq saya, pusu dnoi Kaleb laqi Yepuneh seediq Qenijiy ka Xebron. Ado pskingal lhebun na smnegul Utux Tmninun, Utux Baro nuIsrael ka heya. 15Qiryat Arba kesun daha tnngayan cuuxal ka Xebron. Seediq Arba we spruun bale seediq Anaq. So kiya de mtbale ka dqlhangan ma uka ka mccebu da.
Currently Selected:
Yehosua 14: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
