Yehosua 15
15
Dxeral Nsugan Yehudah
1Pnooda blebil qreti mnangal dxeral quri toma bale betaq ayus dxeral Edom ma, mquri toma betaq tadus brenux Cin ka pnswayan rudan Yehudah. 2Ayus dxeral daha pneyah toma we, peeyah muxi ba rcilung Mhuqil. 3Mqquri tgtruma mcherus Aqrabim ma moda Cin. Steetu tgtruma Qades Barnea ma moda Xecron betaq mgkala Adar mtqiri Qarqa. 4Dungal we mooda Acmon ma stheyaq ayu yayung Micrayim. Ayus dxeral nii we asi dehuk ssiyo rcilung. Nii ka ayus namu quri dxeral toma. 5Ayus quri nklaan hido we, peeyah rcilung Mhuqil betaq pstrengun yayung Yarden. Ayus quri daya we, peeyah tqqiri pstrengun yayung Yarden. 6Ayus nii we steetu Bet Xaglah moda Bet Haarabah nii we betaq pusu btunux Bohan laqi Reuben. 7Ayus dxeral nii we peeyah ayu Akor mquri daya betaq Debir, msderux mqquri Gilgal mcherus sipo Adumim, kiya ka toma yayung. Ayus dxeral nii we moda Eyn Semes dungal, msderux betaq Eyn Rogel. 8Ayus dxeral nii we, mosa mquri daya na betaq ayu Hinom, toma mcherus dxeral Yebus, Yebus we kiya ka Yerusalem. Ayus dxeral nii we mosa mquri daya dungal betaq pryaxan hido ayu Hinom sipo bungu dgiyaq. Kiya ka puting bale daya ayu Ripayim. 9Dungal ayus dxeral nii we peeyah bungu dgiyaq mquri betaq pusu qsiya Neptoax, hrnasan lualang dgiyaq Epron. Ayus dxeral nii we mquri Baalah, kiya ka Qiryat Yearim. 10Ayus dxeral nii we peeyah Baalah mquri pryaxan hido mtqiri betaq dgiyaq Seir, moda tgbaro mcherus dgiyaq Yaring, Yaring we kiya ka Kesalon. Peeyah hiya mquri toma betaq Bet Semes moda Timnah. 11Ayus dxeral nii we hmrinas betaq mcherus dxeral daya Eqron. Ayus dxeral nii we mmaha betaq Sikaron, mooda dgiyaq Baalah ma Yabneel. Ayus dxeral nii we asi betaq ssiyo rcilung. 12Ayus dxeral quri pryaxan hido, kiya ka dxeral rcilung paru ma ssiyo dxeral rcilung. Pnooda pnswayan rudan nangal daha ayus ddxeral seediq Yehudah.
Dxeral Nangal Kaleb
(Dmps 1:11-15)
13Yehosua we muyu tnugesa Utux Tmninun, sbege na Kaleb laqi Yepuneh ka duma dxeral seediq Yehudah, kiya ka Qiryat Arba. Arba we pusu rudan seediq Anaq, Qiryat Arba we pusu rudan Xebron kiya. 14Lwaqun Kaleb peeyah dxeral hiya ka 3 seediq, kiya ka seediq Sesay, Aximan ma, Talmay dseediq Anaq. 15Peeyah hiya mosa cmebu seediq Debir ka heya. Cuuxal han we Qiryat Seper kesun daha tmngayan ka Debir. 16Rmengo ka Kaleb: “Ima ka mosa kmremux Qiryat Seper ma ngalun daha alang kiya de, pstrengun mu heya ka weewa mu Aksah.” 17Otniel laqi Qenaj mtswai Kaleb ka mosa mangal alang kiya. Kiya de pstrengun na Kaleb ka Aksah weewa na. 18Meyah ka Aksah ciida, dmudul rseno na mosa mesa dxeral tama na ka heya. Mtuting peeyah dapa roba ka Aksah de, rmengo heya ka Kaleb: “Maanu ka pgsaun su ho?” 19Rmengo ka heya: “Braho su biqi ku smbleqan su. Wada sa ku pniqun dxeral Negeb ka yaku de, braho su biqi ku hiya ka pusu qsiya uri.” Kiya de sbege na heya ka pusu qsiya daya ma toma.
Lualang Pnsugan Nangal Yehudah
20Pnooda pnswayan rudan nangal pusu dnoi Yehudah ka nii. 21Pnswayan rudan Yehudah peeyah puting toma bale lualang daha we, msdaling ayus Edom. Kiya ka Qabceel, Eder, Yagur, 22Qinah, Dimonah, Adadah, 23Qedes, Xacor, Yitinan, 24Jip, Telem, Bealot, 25Xacor Xadatah, Qeriyot Xecron, Qeriyot Xecron we kiya ka Xacor, 26Amam, Sema, Moladah, 27Xacar Gadah, Xesmon, Bet Pelet, 28Xacar Sual, Beerseba, Bijyotyah, 29Baalah, Yiyim, Ecem, 30Eltolad, Kesil, Xormah, 31Ciqlag, Madmanah, Sansanah, 32Lebaot, Silxim, Ayin ma, Rimon. Kana ba we 29 alang ma lualang ssiyo na hiya.
33Lualang gaga toma na hari we Estaol, Carah, Asnah, 34Janoax, Eyn Gagim, Tapuax, Eynam, 35Yarmut, Adulam, Sokoh, Ajeqah, 36Saarayim, Aditayim, Gederah ma, Gederotayim. Kana ba we 14 alang ma lualang ssiyo na hiya.
37Dungal we Cenan, Xadasah, Migdal Gad, 38Dilan, Micpeh, Yoqteel, 39Lakis, Bacqat, Eglon, 40Kabon, Laxmas, Kitlis, 41Gederot, Bet Dagon, Naamah ma, Maqedah. Kana ba we 16 alang ma lualang ssiyo na hiya.
42Dungal we Libnah, Eter, Asan, 43Yiptax, Asnah, Necib, 44Qeilah, Akjib ma, Maresah. Kana ba we 9 alang ma lualang ssiyo na hiya.
45Dungal we Eqron ma lualang ssiyo na hiya. 46Peeyah Eqron betaq rcilung, kiya ka kana dxeral msdaling Asdod ma lualang ssiyo na hiya. 47Asdod ma lualang ssiyo hiya, Ajah ma lualang ssiyo na hiya, betaq ayu yayung Micrayim, betaq rcilung paru ma dxeral ssiyo rcilung.
48Quri ddgiyaq we Samir, Yatir, Sokoh, 49Dana, Qiryat Sanah so kiya we Debir, 50Anab, Estemoa, Anim, 51Gosen, Xolon ma, Giloh. Kana ba we 11 alang ma lualang ssiyo na hiya.
52Dungal we Arab, Dumah, Esan, 53Yanum, Bet Tapuax, Apeqah, 54Xumtah, Qiryat Arba, kiya ka Xebron ma Cior. Kana ba we 9 alang ma lualang ssiyo na hiya.
55Dungal we Maon, Karmel, Jip, Yutah, 56Yijreel, Yaqdeam, Janoax, 57Qayin, Gibeah ma, Timnah. Kana ba we 10 alang ma lualang ssiyo na hiya.
58Dungal we Xalxul, Bet Cur, Gedor, 59Maarat, Bet Anot ma, Elteqon. Kana ba we 6 alang ma lualang ssiyo na hiya.
60Dungal we Qiryat Baal, kiya de Qiryat Yearim ma Rabah. Kana ba we 2 alang ma lualang ssiyo na hiya.
61Meeniq tadus brenux we Bet Haarabah, Midin, Sekakah, 62Nibsan, Alang timu ma, Eyn Gediy. Kana ba we 6 alang ma lualang ssiyo na hiya.
63Quri so dseediq Yebus gaga meniq Yerusalem ge, seediq Yehudah we ini daha lwaqi nganguc. So kiya de msuupu meniq Yerusalem betaq saya ka seediq Yebus ma seediq Yehudah.
Currently Selected:
Yehosua 15: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
