Yakobu 3
3
Meruc Hema
1Mtswai mu, iya osa mptgesa kana, ado klaun namu, ita mptgesa we maha ta maangal paru riyung psgeegan. 2Ita we ida ta niqan qnnaqah noda kana. Nasi uka qnnaqah quwaq daha ka seediq we, seediq mttuku ka heya da. Kiya uri we tduwa na bkeun ka heyi na nanak. 3Nasi ta ptheyi dmay de sbekui ta xiluy ka quwaq na de, tduwa ta dmudul kana heyi na. 4Tai ka asu uri. Ani paru bale ma ani ga yupan paru bgihur we, wano biciq taku de mtduwa mbahang ga dmoi taku. 5Mntena so nii uri, biciq ka hema we mtduwa rmengo paru kari.
Tai bino, biciq tahuc we mtduwa mutung psqama paru lmiqu. 6Tahuc puniq ka hema, kana heyi ta ckceka hiya we, hema we kiya ka qlhangan ini ksderux noda. Mtduwa pqrutiq kana heyi ma, mtduwa psqama papak knuudus. Hema nii we pnsranaq puniq peeyah tuxan pkdraan. 7Kn1 klegan camac, qbheni, kuyi mkkarang ma, ga meniq rcilung tduwa ta phengun ma, wada pehung uri da. 8Wano bale hema seediq we ini bale tduwa pexun. Kiya ka qnnaqah uka psteqan ma, hrulas mphuqil kana seediq. 9Dmoi ta hema ta mqaras Bukung ta, Tama ta, kiya uri we dmoi ta hema nii cmiyus seediq smnalu hneegan Utux Baro. 10Mqaras ma cmiyus we ida pneeyah 1 pnyahan. Mtswai mu, ini tduwa ka so nii. 11Mtduwa hmeru qsiya cheya ma qsiya mngihur ka 1 beling pusu qsiya peni? 12Mtswai mu, mtduwa mghei curung ka qhuni nunuh peni? Mtduwa mghei qhuni nunuh ka wahir lipas peni? Ini tduwa hmeru qsiya cheya ka qsiya mngihur.
Knkela Pneyah Baro
13Ckceka namu we ima ka niqan knkela ma gnklaan ho? So kiya de naka meniq pnugseesu knkela daha pgkela malu qneepah daha. 14Nasi namu peniq qnnaqah snhuur ma kmsaanak lhebun de iya psparu, iya qberiq smbaang kari bale ba. 15Knkela so nii we uxe pneeyah baro. Knkela pneeyah bobo dxeral, knkraguh seediq ma nbgihur naqah. 16Ani inu ga niqan snhuur ma kmsaanak de, ida niqan mrrudu ma lmlamu qnnaqah. 17Wano knkela pneeyah baro we plaale ba niqan psbgurah, bobo na de psbale, pgseesu, mthuwe, stngayan gnheyi gnaalu ma malu noda, uka kmsaanak ma uka mnnangi. 18Gnhei msderux noda we pneeyah seediq rmehak rehak ptbale, mtbeyax gmarang ptbale seediq.
Currently Selected:
Yakobu 3: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
