Yakobu 4
4
Iya Sdangi Bobo Dxeral
1Pneeyah inu ka mccebu ckceka namu ho? Pneeyah inu mkseang namu ho? Uxe pneeyah kkraguh namu ga mccebu ckceka hiya peni? 2Kmraguh namu, ini namu ngali de phuqil namu seediq. Snhuur namu, ini namu ngali de mkseang ma mccebu namu da. Ado ini namu pesa Utux Baro de ini namu angal. 3Ani namu mesa we uxe namu maangal, ado msqugu namu dmurun ddaun namu smeeliq qqrasun namu. 4Dyamu mnhemuc mtheyaq, ini namu klai ka msdangi namu bobo dxeral de gisu namu kmpais Utux Baro di? Maanu so kiya de, kmsdangi bobo dxeral we kiya ka kmpais Utux Baro da. 5Rmengo ka Patis Mrtaso: “Utux Baro we kmraguh gmaalu riyung bgihur pnosa na lhebun ta betaq so snhuur.” Kari nii we ngalan namu so ga rmeno ho?
6Kiya de krinah mege huwe ka Utux Baro. Maanu so kari Patis Mrtaso:
“Utux Baro we shetur na ka psparu seediq,
biqan na huwe ka mseesu seediq.”
7Maanu so kiya de, thei Utux Baro. Htrani ka Qbsuran Bgihur Naqah, kiya de mpqduriq peeyah yamu. 8Sdlingi ka Utux Baro, kiya de mpsdaling yamu ka Utux Baro uri. Kana seediq niqan qnquwan noda, snagi ka baga namu! Seediq mtg2 lhebun we, snagi ka lhebun namu! 9Yamu we mpqraqil, naqah kuxul ma, mplingis. Maha naqah kuxul ka hhulis namu, maha msurung ka qnnaras namu. 10Tgseesu meniq berah Bukung. Kiya de psaun namu na baro.
Iya Psnetun Mtswai
11Kana mtswai, iya pprengo sseliq naqah. Ima ka rmengo naqah ma smnetur mtswai de, kiya ka gisu smeeliq gaya Moseh. Nasi namu psgeegan gaya de, ini namu thei gaya kiya duma nii namu smnetur gaya da. 12Wano Utux Baro pnheyu gaya, mpsgao. Wano heya ka mpdoi baga, ma, mpkuuka seediq. Ima su ka isu, betaq su so nii smnetur seediq ssiyo su ho?
Iya Psparu
13Qbahang! Rmnengo ka duma seediq: “Mpsquri ku alang ka ali saya ma kusun. Maha ku meniq hiya 1 knkawas, mbbaruy stuku pila.” 14Bale ba mphuwa ka kusun we, ini namu klai kana. Maanu ka knuudus namu ho? Bale ba mntena so plabu, meyah mtnais ma asi kuuka da. 15Naka namu mesa rmengo kari so nii: “Nasi smruwa ka Bukung, mpkuudus nami da. Kiya de mtduwa nami meepah nii ma meepah kiya.” 16Betaq so nii ka pnsparu namu. Kana so nii psparu we kiya ka qnnaqah noda. 17Maanu so kiya de, Nasi mkela asi ta ka meepah malu noda ma ini qeepah de, kiya ka kesun niqan qnquwan noda di.
Currently Selected:
Yakobu 4: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
