Popular Bible Verses from Yakobu 3

Share

Wano knkela pneeyah baro we plaale ba niqan psbgurah, bobo na de psbale, pgseesu, mthuwe, stngayan gnheyi gnaalu ma malu noda, uka kmsaanak ma uka mnnangi.

Ckceka namu we ima ka niqan knkela ma gnklaan ho? So kiya de naka meniq pnugseesu knkela daha pgkela malu qneepah daha.

Gnhei msderux noda we pneeyah seediq rmehak rehak ptbale, mtbeyax gmarang ptbale seediq.

Ani inu ga niqan snhuur ma kmsaanak de, ida niqan mrrudu ma lmlamu qnnaqah.

Dmoi ta hema ta mqaras Bukung ta, Tama ta, kiya uri we dmoi ta hema nii cmiyus seediq smnalu hneegan Utux Baro. Mqaras ma cmiyus we ida pneeyah 1 pnyahan. Mtswai mu, ini tduwa ka so nii.

Tahuc puniq ka hema, kana heyi ta ckceka hiya we, hema we kiya ka qlhangan ini ksderux noda. Mtduwa pqrutiq kana heyi ma, mtduwa psqama papak knuudus. Hema nii we pnsranaq puniq peeyah tuxan pkdraan.

Wano bale hema seediq we ini bale tduwa pexun. Kiya ka qnnaqah uka psteqan ma, hrulas mphuqil kana seediq.

Mtswai mu, iya osa mptgesa kana, ado klaun namu, ita mptgesa we maha ta maangal paru riyung psgeegan.