Hosea 8
8
Niqan Qnquwan Noda Thmuku Tikung ka Seediq Israel
1Yupi urung ka isu!
Mpntena qdiro meyah kmremux sapah Utux Tmninun ka pais.
Ado tnbrinah sndhegan mu ka dheya,
wada smeeliq gaya mu.
2Mplawa kenan ka dheya:
“Utux Baro mu! Yami Israel we mkela miyan sunan da.”
3Qmada malu ooda ka Israel.
Ida mpsdurak heya ka pais.
4Pnheyu qbsuran paru ka dheya we, uxe pneeyah lnglungan mu ka nii.
Pnheyu qbsuran mdudul we, ini ku kela uri.
Dmoi king ma ging smmalu tikung daha nanak,
kiya ka wada pkuuka dheya.
5Samareia! Wada qmada wawa dapa su ka Utux Tmninun.
Seang mu we mpquri dseediq gaga thmuku wawa dapa.
Mpbetaq knuwan ka mpkuuka qnquwan noda daha ho?
6Ado wawa dapa nii we, pneeyah Israel,
snmalu baga dseediq mpsmalu,
uxe pneeyah Utux Baro.
Ptnumeun ka wawa dapa Samareia.
7Mhuma bgihur ka dheya,
qnbrungan daha we bgihur paru.
Ini pdemux ka mugi,
ini tduwa smlean nemu mugi.
Ani slmeun we,
ida rmequn mekan heya ka seediq icil qnlhangan.
8Wada rqenun mekan ka Israel,
Saya we mntena so qyqeya uxe kuxi meeniq dqhlangan ka heya.
9Mosa smtama Asur mntena dapa roba muurux.
Eprayim we psadu ddangi,
10kiya ka psadu dqlhangan.
Saya de mpsseli ku dheya,
ririh knchedil pnpaan qbsuran paru ma dqbsuran mdudul we, mprading muuwic ka dheya.
11Eprayim we ririh mooda psruwa qnquwan noda prana smmalu spuhan,
wada prana qnquwan noda daha ka dspuhan nii.
12Dheya ka spatis mu egu ba gaya,
kiya ka kiya ngalan daha so uka pnugluban dheya kiya.
13Mege bbege ngalun na snapuh mege kenan,
kiya we heya nanak ka wada mekan heyi,
Ini qqaras dheya ka Utux Tmninun.
Saya, ida mplmngelung qnquwan noda daha ka heya,
mooda pkdira qnquwan noda daha.
Kiya de ida mpbrinah Micrayim ka dheya.
14Israel we cmhungi Bukung snmalu heya ma, smmalu sapah qbsuran paru,
Yehudah we prana smmalu lualang mkere ka heya.
Kiya we pyahun mu rana puniq ka lualang na,
mooda pkuuka snbrangan na.
Currently Selected:
Hosea 8: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
