Hosea 7
7
1Mpkmalu ku mnarux Israel ciida,
qnnaqah noda Eprayim ma,
naqah noda Samareia we asi truura.
Mberiq ka dheya,
niqan gmeeguy mremux dheya,
niqan mpgeeluk ka nganguc daha.
2Lnglungan daha we, ida ba ini kela kana qnnaqah ta ka yaku.
Saya, gisu tqqiri berah mu ka ndaan daha.
Mrrudu ka Sapah Qbsuran Paru
3Pqqaras qbsuran paru mnoda naqah ka dheya,
pqqaras qbsuran dmudul mnoda mberiq.
4Mmhemuc moda msuupu ka kana daha,
mntena so mttilux puniq rqeda,
gisu mpgteruc nemu mugi ka mpsalu we,
phengun na ka puniq han.
5Ali qrasan qbsuran paru ciida,
ririh sino mbeyax pknaruh dqbsuran mdudul,
moda smdangi dseediq pqsiqa ka qbsuran paru.
6Smdaling ka dheya de, mntena rana puniq ka lhebun daha,
tnara daha we, mntena mscaman mtaqi gisu duhun,
ani betaq mgrebu ida mntena rana puniq mtilux.
7Mtilux mntena rqeda puniq ka dheya,
wada rmequn dmpsgao daha.
Wada mtakur kana ka qbsuran paru daha,
uka ani kingal meyah dmurun kenan.
Israel ma Kana Qqlhangan
8Gaga tgimax ckceka kana seediq ka Eprayim,
Eprayim we so pang ini ba spoxi.
9Pkuuwic beyax na ka seediq icil, kiya we ini kela ka heya.
Mbhege kana ka snuunux we, ini kela ka heya.
10Pnspruwan Israel ka wada pkuuka ledax dqeras na nanak.
Ani yaa smnterung kana nii,
ida ini pquri Utux Tmninun, Utux Baro daha ka dheya,
ini ging heya.
11Eprayim we mntena so 1 uka knkela byugu,
mosa mesa ddayo Micrayim ma mosa migin pdyagan Asur.
12Mosa ciida ka dheya we, mposa ku kadi heyi daha.
Mqerac ku dheya mntena so qmerac qbheni karac.
Mpkdira ku dheya, mntena so bnhangan dseediq daha.
13Ado malix kenan ka dheya, kiya ka maha niqan pnkdira.
Ado tnbrinah kenan, kiya ka mpkuuka.
Ani ku kmpkuudus dheya, ida mberiq kenan ka dheya na.
14Mdiras mlawa bobo qlapo ka dheya,
kiya we uxe pneeyah bale ba lhebun daha mlawa.
Gisu meeyah mesa uqun ma sino bgurah ka pssliyan daha,
kiya ma ida tbrinah kenan ka dheya.
15Ani ku tmnugesa dheya, pnleqoh ku hiqur baga daha we,
ida smmalu qnnaqah tbrinah kenan ka dheya.
16Niqan ka lnglungan daha we, uxe mquri Tgpusu Baro ka dheya.
Qnhdean de mptena so budi mpsruho.
Dqbsuran mdudul daha we ririh pnsparu hema daha, mptakur toma hlmadac ka dheya,
phlisun seediq meeniq dxeral Micrayim hiya ka so nii.
Currently Selected:
Hosea 7: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
