Hosea 6
6
Uka Kbale Kmpriyux Lnglungan ka Israel
1Aguh, pquri ta Utux Tmninun!
Hmgaliq ita ka heya ma, heya ka mpkmalu uri.
Pnluqah ita ka heya we, heya ka mplabu uri.
2Bobo mk2 ali de, sbgrahun ku na ptutuy,
mk3 ali de ida ku mpheyu,
kiya ka mptduwa ta muudus berah na.
3Asi ta klaun, migin mkela Utux Tmninun.
Ida mgkala mpntena ledax mgrebu ka heya,
ida meeyah ita mpntena quyux malu,
mpntena quyux mprbagan msslangu dxeral.
4Eprayim! Maanu ka ddaun mu meepah yamu ho?
Yehudah! Maanu ka ddaun mu meepah yamu ho?
Ado mntena so plabu mgrebu ka gnaalu namu,
mntena so dremus mgrebu ini beyo uka.
5Kiya de, mpooda ku mpgeela kari moda smeqic dheya,
mpooda ku kari pneeyah quwaq mu phuqil dheya.
Pntena so ledax moda psgao isu.
6Smkuxul ku gmaalu, ini ku skuxul snapuh.
Smkuxul ku mkela Utux Baro ka seediq, mgkala mege snapuh psqmaun.
7Dheya we mntena so Adam tbrinah sndhegan,
meeniq hiya we pkraki kenan.
8Gilad we alang dseediq qmeepah naqah,
gisu srtiqan dara.
9Mntena mpgeeguy qmburan tmara ka dmsapuh,
mooda pphuqil elu Sekem hiya ma,
mooda qnnaqah oda.
10Qtaan mu Israel hiya ka pqnqihun ba oda,
niqan mmhemuc msuupu ka Eprayim hiya,
wada srtiqan ka Israel da.
11Yehudah! Pbrnahun mu ka dseediq qnerac ciida,
ida mpniqan ka mttuku bale pnsramal mu sunan.
Currently Selected:
Hosea 6: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
