Hosea 3
3
Hosea ma Mqedil Mkmhemuc Msuupu
1Rmengo yaku dungal ka Utux Tmninun: “Osa smkuxul mqedil sgaalu dangi na ma mqedil mmhemuc msuupu, mntena so Utux Tmninun we gmaalu seediq Israel mquri utux icil ma, smkuxul pang lipas.” 2Kiya de yaku we sdoi mu 15 skere ging ma 1 hmeyu mugi sgberih mu maruy mqedil nii. 3Rmengo ku heya: “Asi su ka msuupu kenan klaali, iya kmmhemuc msuupu, iya osa msuupu seediq icil, maha ku so kiya ka yaku uri.” 4Ado bsiyaq hari ali mpkuuka qbsuran paru ka seediq Israel, mpkuuka qbsuran mdudul, mpkuuka snapuh, mpkuuka tikung, mpkuuka ipudi ma, mpkuuka tikung sapah daha ka kndesan daha. 5Bobo na de, mpbrinah ka seediq Israel, migin Utux Tmninun, Utux Baro daha ma, Dawid qbsuran paru daha. Ali qnhdean ciida, mpkiicu Utux Tmninun ma, maangal huwe na.
Currently Selected:
Hosea 3: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
