Hosea 2
2
1Yamu we kesi tmngayan Amiy ka mtswai namu rseno, Ruxamah kesi tmngayan ka mtswai namu mqedil.
Spgsapac ka Gumir - Mmhemuc ka Israel
2Sai migin kari ka bubu namu, sai migin kari.
Ado uxe mqedil mu ka heya,
uxe ku na rseno uri.
Laxi kesa ka mmhemuc msuupu dqeras na ma,
mmhemuc ckceka berah na.
3So mu uxe rhequn lukus, mpberas heya,
mptena so hani mntuting.
Maha mntena nii tadus brenux, nii dxeral mddengu,
mhuqil mhqeni.
4Uxe ku mpgaalu ka lqlaqi na,
ado pneeyah mmhemuc msuupu ka lqlaqi na.
5Mnoda mkmnhemuc msuupu ka bubu daha,
mnoda oda qnsiqa mnchedil dheya.
Ado rmnengo ka heya: “Mosa ku msuupu kuxul mu,
ado uqun, mahun, lukus ubal miric, lukus nuqah, abura ma, sino we,
bnege dheya kana.”
6Maanu so kiya de, qtai! Mdoi ku pako hmetur elu na,
mpharac ku qnalang mphetur ku heya,
so uxe na slayun ka elu.
7Kiya de uxe na sdrapun mhero ka seediq kuxul na,
migin dheya we, uxe na slayun.
Kiya de mprengo: “Mpbrinah ku rseno mu pnlaale,
ado nuuqu malu tnheyaq mu heya cuuxal ka yaku nii saya.”
8Ini na klai, yaku ka bnege uqun, sino malu ma, abura bgurah heya,
dungal we pnrana ku mege king ma ging heya.
Kiya de dheya we desun daha smapuh Baal.
9Maanu so kiya de ktean ciida de pnbrihun mu maangal ka uqun mu,
ali ddaun ciida de pnbrihun mu maangal ka sino bgurah,
glekun mu pbrinah maangal ka ubal miric ma nuqah muubung heyi na.
10Saya pbrasun mu berah seediq kuxul na rseno hiya,
uka ani ima ka tduwa meyah ptalix heya peeyah baga mu.
11Ddaun na qqrasan, smseman knkawas, plaale ali ma, ali sngayan we,
psngayun mu kana ka pssliyan nii.
12Sqetun mu ka lipas ma nunuh na,
ado rmengo ka heya: “Nii we snadu ddangi mu rseno” ka nii.
Mpkbuyuh ka pnhgalang,
yahun qntemaq mekan camac nrao.
13Mpkdira ku qnquwan noda ndaan na smapuh Baal klaali.
Ciida, pndeping sniru nduyung ma mkere ba btunux,
smnegul dangi na rseno ma, cmhungi kenan.
So nii ka rnengo Utux Tmninun.
Gmaalu Seediq Na ka Utux Baro
14Kiya de, qtai! Mpdudul ku heya, ddulun mu mosa tadus brenux,
pbrnahun mu dungal ka lhebun na.
15Meeniq hiya, pbrnahun mu mege heya ka qnpahan lipas,
sbege mu heya ngalun na rhengun sntangan ka ayu Akor.
Maha cmiyuk hiya ka heya,
mptena so mbeyax ciida malix peeyah Micrayim.
16Ali ciida, Yisay kesun mu tmngayan ka isu, uxe su mnpusal mlawa Baal. Rnengo Utux Tmninun ka nii. 17Ado maangal ku ngayan Baal peeyah ckceka quwaq na, uxe mnpusal rmengo ngayan nii ka seediq. 18Ali ciida, yaku we mpsdehu ku seediq mu, camac bbuyu, qbheni skiya karac ma, dkui mkkesa ddxeral ka yaku. Dungal we moda ku gmerung budi ma hlmadac dqlhangan, mpsange mccebu ma, psange kana dheya. 19Ngalun mu mqedil betaq ani knuwan ka isu. Spooda mu msderux noda, ini psaanak, gmaalu ma, gnhuwe ngalun misu mqedil mu. 20Dungal we spooda mu bale ba maangal sunan, kiya de mpkeela su Utux Tmninun.
21Mprengo ka Utux Tmninun: Ciida, mpqbahang ku dnurun,
mpqbahang ku karac ka yaku, karac we mpqbahang dxeral kiya.
22Mpqbahang mege uqun, sino bgurah ma, abura bgurah ka dxeral.
Nii we ida mu qbhangun mege Yijreel kana.
23Ririh yaku nanak, phmaun mu dxeral nii ka heya.
Mpgaalu ku Lo Ruxamah.
Mprengo ku Lo Amiy:
“Seediq mu ka isu”.
Mprengo ka heya: “Utux Baro mu.”
Currently Selected:
Hosea 2: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
