Hosea 14
14
Kari Mdakar Israel
1Israel! Pquri Utux Tmninun, Utux Baro su,
ririh qnquwan noda su nanak mptakur su da.
2Pquri Utux Tmninun,
doi kari rmengo heya:
“Braho misu bale, srwai mangal ka qnquwan noda miyan ma, qqrasi hiya mangal ka malu noda miyan,
kiya de mdoi miyan wawa dapa rmirih snapuh quwaq mege sunan.
3Uxe mpdoi baga yamu ka Asur,
uxe mpaapa dapa dmay ka yami,
uxe miyan rmengo tikung snmalu baga nami:
Utux Baro nami ka isu.
Maangal gnaalu meeniq isu hiya ka laqi mqrinuc.”
Smdehu Bgurah Kndesan Israel
4Mpkmalu ku mnarux tnbrinah daha ka yaku,
mpgaalu ku dheya,
ado wada uka ka seang mu mquri dheya.
5Mptena ku so dremus malu mquri Israel.
Mptena ku so boxi mtraguh ka heya,
mpntena qhuni paru Lebanon gmtruma tgamil.
6Mpstasil ka wawa ciida na,
snkledax na we mntena so qhuni curung Lebanon.
7Mneeniq saso toma na we mpbrinah ma, mpdakil ka pnhmaan,
mptena so lipas hmeru bale ka dheya,
ngayan malu daha we mptena sino Lebanon
8Rmengo ka Eprayim:
Maanu pnugluban mu tikung ho?
Smruwa ku heya, qmlahang ku heya:
Mntena ku so qulic egu waso,
heyi su we ida pneeyah yaku hini.
Kari Nhdean
9Seediq niqan knkela we mkela oda nii,
seediq niqan gnkela we mkela kana nii.
Msderux ka elu Utux Tmninun,
gaga ckceka hiya ka seediq msderux noda,
gaga mtakur ckceka hiya ka seediq niqan qnquwan noda.
Currently Selected:
Hosea 14: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
