Yoel 1
1
1Meeyah Yoel laqi Petuel ka kari Utux Tmninun.
Naqah Kuxul ka Dseediq
2Rdrudan! Qbahang kari nii.
Dseediq kana dxeral nii! Peyah birac namu mbahang.
Meeniq knxalan namu,
meeniq knxalan rdrudan namu,
mnoda so noda nii ho?
3Rngagi laqi namu ka nii,
laqi namu we rngaani lqlaqi laqi namu,
lqlaqi laqi dungal we rngaani lqlaqi daha.
4Nngari pnuqan utun msalak we, yahun mekan utun.
Nngari pnuqan utun we, yahun mekan mduku.
Nngari pnuqan mduku we, yahun mekan kbabuy.
5Seediq bnsukan! Tutuy ma lingis.
Seediq dmpsino! Lngisi ka sino mssibus,
ado mpdengu peeyah quwaq namu ka sino da.
6Niqan ka 1 pnspuwan utun, paru beyax ma uka spegan,
meeyah tmbenu dxeral miyan.
Rupun daha we mntena rupun rkelic rudu,
mntena rupun paru bubu rkelic rudu.
7Smeeliq lipas miyan ka heya,
rmehaq qhuni lipas mu,
rhequn ma sqada daha, betaq asi tgbhege ka cdcida.
8Pntena so weewa gisu mlukus lukus mnbasi,
gisu lmingis wada mhuqil ka dadal rseno na weewa ciida.
9Mpsetuq ka snapuh pnhgalang ma snapuh sino sapah thmkuwan Utux Tmninun,
mpnaqah kuxul kana ka dmsapuh Utux Tmninun.
10Ma tadus ka qnpahan, csdamac ba ka dxeral.
Ado wada sliqan ka uqun,
mdengu ka sino,
ini kmtuku abura bgurah.
11Dmpqeepah dxeral! Qnaqah kuxul.
Dmpqlahang qnpahan lipas, rengac.
Ado wada sliqan kana ka pnhuma ma mugi paru, mugi biciq.
12Mdengu ka lipas,
mrqeling ka nunuh,
qutirodux, sbiki paru ma ringgo,
qqhuni pnhgalang we mdengu kana.
Mpkuuka kana ka qaras seediq.
13Dmsapuh! Plkusi lukus mbasi ma lingis.
Dqmeepah sapah thmkuwan! Diras mlawa!
Gaga meepah Utux Tmninun we, eyah mkrabi ka yamu, lkusi lukus mbasi,
ado uxe mpniqan snapuh pnhgalang ma snapuh sino ka sapah thmkuwan Utux Baro namu da.
14Asi namu ka psnakan mrtaso ka ali ooda ini ekan,
mooda namu psseli,
psseli rdrudan ma kana seediq dxeral nii,
meeyah sapah thmkuwan Utux Tmninun, Utux Baro namu,
mpdiras namu lmingis quri Utux Tmninun.
15So smtali ka ali nii!
Ado smdaling ka ali Utux Tmninun,
mntena dehuk ka mooda smeeliq pneeyah Mdoi Kana Beyax.
16Uxe wada msetuq peeyah berah ta ka uqun peni?
Uxe wada msange peeyah sapah thmkuwan Utux Baro ta ka qrasun peni?
17Rehak we gaga msburo ckceka mdengu dxeral,
nlaxan ka repun, wada sgliqun ka sskuwan,
ado mdengu ka pnhgalang.
18Trrengac ka tnbugan,
mkrehak mrudu ka rahul dapa, ado uka ka speriq,
gisu mqraqil ka rahul miric uri.
19Utux Tmninun! Tnglingis ku mesa sunan,
ado wada tbbau puniq ka speriq dxeral nrao,
wada psqmaun puniq ka qhuni qnpahan.
20Trrengac mesa sunan ka camac bbuyu,
ado wada mdengu ka qsiya yayung,
wada tbnaan puniq ka speriq tbugan.
Currently Selected:
Yoel 1: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
