Hosea 12
12
1Eprayim we bgihur ka uqun na,
gisu mhero klaali bgihur pneeyah nklaan hido,
krinah prana mberiq ma naqah ooda daha,
smdehu daha Asur,
sbege na Micrayim ka abura.
2Tmiyu mseang Yehudah ka Utux Tmninun,
pntnaun na noda Yakobu pkdira heya,
mpuyu so ndaan mciyuk heya.
3Qmnerac pungo papak qbsuran na meeniq nbuyas ka heya,
mbeyax ciida de, mtgdiyal daha Utux Baro.
4Psseung daha snkgulan baro ma wada mbeyax ka heya.
Lmingis mesa gnhuwe ka heya.
Snterung Utux Tmninun mneeniq Beytel hiya,
kiya we posa kari ita mneeniq hiya ka Utux Tmninun.
5Utux Tmninun we kiya ka Utux Baro Mdoi Kana Supi,
Utux Tmninun ka ngayan lnglungun betaq ani knuwan.
6Kiya we asi su ka mquri Utux Baro su ka isu,
ooda gnaalu ma ini psaanak,
tmara klaali Utux Baro su.
Lmutuc Rmengo Israel
7Seediq mbaruy we gisu dmoi seung mberiq,
smkuxul bale tmsiiyax seediq.
8Rmengo ka Eprayim:
Bale ku ba mbleyaq, nii ku mangal pila.
Kana ndaan mu mbqerus we,
uxe daha slayun maanu ka ndaan mu qnquwan noda.
9Peeyah su mlatac Micrayim,
Ida yaku ka Utux Tmninun, Utux Baro su.
Npsalun maku posa peeniq kobu,
so mntena ali ndaan namu smseman.
10Pnosa ku kari dmgeela kari,
prana ku mege so tuutux,
spooda mu dmpgeela kari mege pnungalan kari.
11Uka qnquwan noda ka Gilad ho?
Bale ba we mberiq ka dheya,
smapuh wawa dapa meeniq Gilgal ka dheya.
Spuhan daha we mptena so mpbtunux nlaxan qnpahan.
12Cuxal, Yakobu we qduriq mosa dxeral Aram,
ririh maangal mqedil ma tmlaqi qmeepah ka Israel,
ririh maangal mqedil ma tmlaqi mosa tmabu miric.
13Bobo na de Utux Tmninun we spooda na dmpgeela kari dmnudul Israel mlatac peeyah Micrayim,
spooda mu dmpgeela kari qmlahang dheya uri.
14Kiya de Eprayim we prrudu peeyah paru seang Utux Baro ka heya,
pnsdara na we ida mosa heyi na nanak.
Utux Baro we ida na sbege heya ka qnsiqa na nanak.
Currently Selected:
Hosea 12: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
