Hosea 11
11
Gmaalu Dseediq Tnbrinah
1Laqi ciida ka Israel we, gmnaalu heya,
kiya ka pnlawa mu pneeyah Micrayim ka laqi mu.
2Krinah mlawa dheya we dmpgeela kari we,
krinah malix kenan ka dheya,
mosa smapuh mege Baal,
mosa psqama malu sknexan tikung gnqeran.
3Tnugesa ku pkkesa Eprayim ka yaku,
snemur mu hiqur baga mu ka dheya,
kiya ka kiya ida ini kela yaku ka pnkmalu dheya.
4Spooda mu snuyuk gnaalu dmudul dheya.
Sqpahan mu dqeras tmmaku,
mplhelah ku kudo gaga ssiyo bkeluy dmayo dheya,
tmgakac ku dmanga dheya.
5Ida ba uxe kmbrinah dxeral Micrayim ka dheya.
Kiya de mqbsuran paru dheya ka seediq Asur,
ado ini pquri kenan ka dheya.
6Meeyah lualang daha ka hlmadac,
mpselaq ruhu rhengun, pkuuka hbaro seediq,
kana nii we pneeyah naqah lnglungan daha nanak.
7Dseediq mu we ida tbrinah kenan,
ani mlawa Tnpusu Baro ka dheya we,
ini na psprui posa baro ka dheya.
8Eprayim! Mhuwa ku mesa malix sunan?
Israel! Mhuwa ku mesa qmada sunan?
Mpkeso ku so Admah ka yamu ho? Mpkeso ku so Ceboyim ka yamu ho?
Mbrinah ka lnglungan mu,
gisu ptutuy ka gnaalu mu.
9Uxe mu aadis paru ba seang,
uxe ku mpnpusal pkuuka Eprayim.
Ado Utux Baro ku ka yaku, uxe ku seediq bobo dxeral,
mrtaso bale meeniq ckceka namu.
Uxe ku maadis seang meeyah yamu hiya.
10Mntena rkelic rudu mdiras mlawa ka Utux Tmninun,
ida mpsnegul heya ka lqlaqi na.
Mdiras mlawa ka heya de,
asi pkrkerang peeyah pryaxan hido ka dheya.
11Mptena so qbheni pkrkerang meeyah peeyah Micrayim,
mptena so byugu meeyah peeyah Asur.
Pniqun mu peeniq sapah daha nanak ka dheya.
Rnengo Utux Tmninun ka nii.
Cyuun Mseang Israel
12Dmoi mberiq tmlibu kenan ka Eprayim,
dmoi tmraki tmlibu kenan ka Israel.
Kiya we ida msuupu mkkesa Utux Baro ka Yehudah,
pskingal lhebun na mquri Mrtaso.
Currently Selected:
Hosea 11: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
