Hosea 10
10
1Seediq Israel we mntena so lipas egu lnamu,
Krinah mrana ka heyi na.
Mrana ba ka gnhean na ma,
kiya ka mrana ka pnheyu spuhan uri.
Krinah malu ka dxeral we,
krinah smmalu malu tikung malu ba taan ka dheya
2Mddaha ka lhebun daha,
ngalun mu niqan qnquwan noda ka dheya saya.
Utux Tmninun we mphurah snpuhan daha,
mptnemu tikung daha.
3Mprengo so nii ka dheya saya:
“Uka qbsuran paru miyan.
Ado ini nami kiicu Utux Tmninun,
so kiya de qbsuran paru we maanu ka qqeepah na ita ho?
4Rmengo kari uka dungus ka dheya,
mberiq smdehu.
Kiya de, mptena sama mngihur ka pnkdira,
meeniq ckceka ayu qsiya qnpahan.
5Mpkiicu wawa dapa Bet Awen ka seediq Samareia.
Mpqnaqah kuxul heya ka dseediq na,
mpkrkerang heya uri ka dmsapuh,
ado wada mlatac heya ka knledax.
6Desun Asur ka wawa dapa,
ngngalun daha lnabu bege daha qbsuran paru.
Mpqsiqa ka Eprayim,
mpqsiqa lnglungan daha nanak ka Israel.
7Mpkuuka ka qbsuran paru Samareia,
mptena so buwa qsiya bobo qsiya.
8Spuhan Awen,
kiya ka nniqan qnquwan noda Israel we mpqnaqah,
kbuyun pako ma speriq kmaric ka pnharac spuhan daha.
Mprengo dgiyaq paru ka dheya: Leing nami!
Mprengo biciq dgiyaq: Ktakur heyi miyan!
Psgao Israel ka Utux Baro
9Israel!
Peeyah ali Gibeah niqan su qnquwan noda klaali ka isu,
ida meeniq hiya ka dheya.
Mccebu so kmremux dniqan qnquwan noda we, uxe meeyah Gibeah ho?
10Mooda ku lnglungan mu pkdira dheya,
gaga bkeun mnpusal qnquwan noda ka dheya.
Kana seediq we mpsseli mccebu dheya.
11Eprayim we bubu dapa thei bale, smkuxul ba miriq uqun,
psaun mu knmalu ba nduyung na ka kudo,
so bkeun hiya ka Eprayim.
Mptabul qnpahan ka Yehudah,
mooda qmeepah dxeral ka Yakobu.
12Yamu we tbuli nanak msderux noda namu,
qburung gnaalu.
Mooda namu qmburung dxeral nlaxan,
saya ka ali gimun Utux tmninun.
Dehuk ka heya de, mptena so quyux mtuting ka msderux noda.
13Mphuma namu qnnaqah,
mpqburung namu qnquwan noda,
mekan namu heyi mnberiq.
Ado smtama namu ndaan namu,
smtama namu hbaro ba supi.
14Kiya de, mprudu ka seediq su,
mphurah ka kana qnbrangan su.
Mntena so ali Salman wada hmurah Bet Arbel ma,
wada pspuun qmada phuqil ka bubu na ma laqi daha lualang uri.
15Beytel! Ado paru ba ka qnquwan noda su,
kiya ka maangal su so nii pnkdira.
Prading lmedax ciida de, phqilun kana ka dqbsuran paru Israel da.”
Currently Selected:
Hosea 10: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
