Daniyel 3
3
Posa Kari Tthmuku Tikung King ka Nebukadnecar
1Smalu tikung king ka Nebukadnecar qbsuran paru, 60 sese tmxalan knbragan ma 6 sese tmxalan qnlahang na. Phyegun na breenux Dura nyusan dxeral Babirun hiya. 2Psseli kana dqbsuran mpqlahang ka Nebukadnecar qbsuran paru, kiya de pusu qbsuran mdudul, bukung mpqlahang 1 alang, qbsuran mdayo mpqlahang 1 alang, qbsuran mpsmalu ooda, qbsuran mpqlahang dnoi, qbsuran gaya, qbsuran dmpqlahang nyusan dxeral ma duma na hiya kana dqbsuran alang. Kana nii we skgulan na mosa mqaras tikung pnheyu na. 3Kiya de meeyah msseli ma mheyu berah tikung snmalu Nebukadnecar ka kana pusu qbsuran mdudul, bukung mpqlahang 1 alang, qbsuran mdayo mpqlahang 1 alang, qbsuran mpsmalu ooda, qbsuran mpqlahang dnoi, qbsuran gaya, qbsuran dmpqlahang nyusan dxeral ma duma na hiya kana dqbsuran alang. Mooda mqaras pheyu tikung pnheyu Nebukadnecar. 4Paru ba quwaq na rmengo ka mhaduc pnosa kari: “Kana qqlhangan, seediq kklegan ma, seediq mskari klegan kari! Niqan ka pnosa kari bbege yamu: 5Mbahang namu hrenang iyuk urung, deerang, tubu 7 urac, tubu 13 urac, tubu phyegun ma duma na hiya dungal kana tubu de, asi tgtemaq thmuku tikung snmalu king Nebukadnecar. 6Ima ka ini tgtemaq thmuku we asi qdaani msqama rana puniq ckceka rangah thuwan.” 7Kiya de hmrenang ka urung, deerang, tubu 7 urac, tubu 13 urac, tubu phyegun ma duma na hiya dungal kana tubu de, tgtemaq thmuku tikung snmalu king Nebukadnecar ka qqlhangan, seediq kklegan ma, seediq mskari klegan kari.
Tbrinah Pnosa Kari ka 3 Heyi Dadal Daniyel
8Ciida, duma seediq Krdiya meyah migin kari dseediq Yudaya. 9Rmengo Nebukadnecar qbsuran paru ka dheya: “Tai so mpkuudus ani betaq knuwan ka qbsuran paru! 10Isu, qbsuran paru! Wada su posa kari ma, kana mbahang hmrenang ka iyuk urung, deerang, tubu 7 urac, tubu 13 urac, tubu phyegun ma duma na hiya dungal kana tubu de, asi ka tgtemaq thmuku tikung king kana ka seediq. 11Kana ini tgtemaq thmuku we asi qdaani msqama rana puniq ckceka rangah thuwan. 12Saya, tai ka duma seediq Yudaya, kiya ka snkgulan su mklawa qpahun nyusan dxeral Babirun hiya ka Sadrak, Meysak ma Abednego. Ini puyu pnosa su kari ka dheya. Ini thmuku utux qbsuran paru su ma ini thmuku tikung king pnheyu su.”
13Mbahang so nii ka Nebukadnecar qbsuran paru de asi tperuq mseang ma posa kari aadis berah na ka Sadrak, Meysak ma Abednego. Kiya de desun daha berah qbsuran paru ka dheya. 14Rmengo dheya ka Nebukadnecar: “Sadrak, Meysak ma Abednego, bale ba ini namu thmuku utux mu ma ini namu tgtemaq thmuku tikung king pnheyu mu ho? 15Saya ka yamu ge, mbahang namu hrenang iyuk urung, deerang, tubu 7 urac, tubu 13 urac, tubu phyegun ma duma na hiya dungal kana tubu ciida de, asi tgtemaq thmuku tikung king snmalu mu. Nasi namu ini thmuku we asi qdaani msqama rana puniq ckceka rangah thuwan. Teta utux ima ka mpdoi baga namu peeyah baga mu ho?”
16Cmiyuk qbsuran paru ka Sadrak, Meysak ma Abednego: “Nebukadnecar! Uxe miyan mpciyuk sunan ka ooda nii. 17Nasi so kiya we, Utux Baro gaga miyan thmkuwan we mpdoi baga menan peeyah msqama rana puniq ckceka rangah thuwan hiya. Qbsuran paru! Ida mpdoi baga menan peeyah baga su ka heya. 18Nasi uxe so kiya, qbsuran paru! Klai bale, uxe miyan mpthmuku utux su, uxe miyan tgtemaq thmuku tikung pnheyu su uri.”
Sqada Ckceka Rangah Thuwan ka 3 Heyi Dadal Daniyel
19Ciida, paru seang na ka Nebukadnecar de, asi kmpriyux ka dqeras na ma mquri Sadrak, Meysak ma Abednego. Kiya de posa kari ma pntahu rangah thuwan we prnaan na msn7 kntlexan. 20Dungal we smkagul mbeyax ba supi mekuy Sadrak, Meysak ma Abednego ma, qqada daha ckceka rana puniq rangah thuwan. 213 heyi nii we mlukus pstrmaun, lukus rila ma llukus. Wada asi bkei ma sqada daha ckceka rana puniq rangah thuwan. 22Ado mtbeyax ba ka pnosa kari qbsuran paru ma, msqama sqama ka puniq, wada phqilun psqama puniq ka dseediq knudo Sadrak, Meysak ma Abednego. 23Kiya de, wada bkeun ma, mtuting ckceka rana puniq rangah thuwan hiya ka Sadrak, Meysak ma Abednego.
24Ciida, asi lux mskluwi msqugu ka Nebukadnecar ma, asi tutuy nhari ma rmengo pnungalan kari: “Uxe 3 heyi ka wada ta bkean qmada rana rangah thuwan hiya peni?” Cmiyuk ka dheya: “Qbsuran paru! Kiya ba.” 25Smiling ka qbsuran paru: “Qtai! 4 heyi ka qtaan mu, ini bkei ma gaga mkkesa ckceka puniq hiya. Uka luqah daha uri. Tg4 heyi kiya we kiya ba so laqi Utux.”
Sraguh ma Biqan Pnrana Tluungan ka 3 Heyi
26Kiya de Nebukadnecar we mosa smdaling rana msqama rangah thuwan ma pmbaro mlawa: “Sadrak! Meysak! Abednego! Tnqliyan Utux Baro Tgpusu Ba Baro, latac da! Latac da!” Kiya de asi latac peeyah ckceka rana puniq ka Sadrak, Meysak ma Abednego. 27Kana qbsuran mdudul, qbsuran mpqlahang 1 alang, mdayo mpqlahang 1 alang ma duma ngalan kari we msuupu meyah qmita 3 heyi nii. Dheya we uka ani snqmaan ma ini tgbeguk ka snuunux daha, ini sqmai ka lukus, ini sqrengul ka heyi daha uri. 28Rmengo ka Nebukadnecar: “Tndhuun ba ka Utux Baro Sadrak, Meysak ma Abednego! Heya we smkagul snkgulan na peeyah baro ma meyah qmlahang tnqliyan sntama heya. Ini thei kari qbsuran paru, betaq kmphuqil heyi daha nanak, ida ini sruwa tgtemaq thmuku ani mmaanu utux. Dheya we asi skingal thmuku Utux Baro daha nanak. 29Mposa ku kari saya: Ani inu qlhangan, ani ima klegan seediq ma seediq mskari klegan we nasi smeeliq kari Utux Baro Sadrak, Meysak ma, Abednego de trqilun mu ma sapah na we pgdangun. Ado uka ka utux so nii dehuk pkuudus seediq.” 30Kiya de qbsuran paru we prnaan na tluungan daha ka Sadrak, Meysak ma Abednego qmlahang alang Babirun hiya.
Currently Selected:
Daniyel 3: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
