2 Samuel 4
4
Phqilun ka Isboset
1Laqi Soro Isboset ge, mbahang wada mhuqil Xebron ka Abner de, asi kuuwic baga na ma, mkrkerang kana ka Israel uri. 2Niqan 2 qbsuran supi na ka Isboset laqi Soro. 1 we Baanah ma 1 we Rekab laqi Rimon seediq Beerot pnswayan rudan Binyamin. Dxeral Binyamin ka Beerot. 3Qnduriq Gitayim ka seediq Beerot ma, tnooda meniq hiya betaq saya.
4Yehonatan laqi Soro we niqan 1 ka laqi na, mpika ka papak na ma, Mepiboset ka ngayan na. Noda Soro ma Yehonatan pneeyah Yijreel ciida we, 5 knkawas ba ka heya. Bubu mnunuh heya ka memux heya qduriq. Ado mtgaaguh tmalang de, wada tuting dxeral ka laqi, kiya ka mpika ka papak na.
5Rekab ma Baanah laqi Rimon seediq Beerot we mtilux ba ali ciida, mosa sapah Isboset. Isboset we pkelu nii trqeraq ceka naali. 6Mosa sapah toma mangal mugi hiya ka mqedil. Rekab ma Baanah mtswai na we btaqan daha nbuyas ka Isboset ma qduriq. 7Mremux sapah ciida ka dheya we, nii msbaang qlapo na ka Isboset. Phqilun daha ka heya ma, slapan daha ka tunux na. Dilun daha ka tunux nii na ma kingal rabi moda mkkesa elu Arabah. 8Desun daha Dawid Xebron hiya ka tunux Isboset ma, rmengo qbsuran paru: “Soro ka qbsuran paru pais su we sndurak migin knuudus su. Qtai bino! Nii ka tunux Isboset laqi na. Utux Tmninun we wada cmiyuk Soro ma heyi lqlaqi mslutuc pais pusu tnsapah mu ma qbsuran paru mu saya di.” 9Cmiyuk rmengo Rekab ma Baanah laqi Rimon seediq Beerot ka Dawid: “Mpsdehu ku Utux Tmninun muudus ani knuwan, kiya ka dmnoi baga pnlatac peeyah kana mqraqil: 10Niqan ka seediq rmnengo kenan cuuxal, mesa: ‘Tai, wada mhuqil ka Soro di!’ Ngalan na malu kari ka nii, kiya we wada mu qrapun ma phqilun mu Ciqlag hiya. Kika cniyuk mu nyahan na pgkela kari. 11So ka seediq naqah wada phuqil seediq msderux bobo qlapo na nanak we, uxe mu krnahun phuqil peeyah bobo dxeral kiya peni?” 12Kiya de Dawid we smkagul tnqliyan na phqilun daha ka dheya. Sqetun daha ka baga ma papak ma, spqeya daha ssiyo langu Xebron hiya. Bobo na de, desun daha Xebron ka tunux Isboset ma saan daha smeku habung Abner.
Currently Selected:
2 Samuel 4: Stgdaya
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
