2 Korinto 9
9
Pnsliyan Dnayo Dseediq Mrtaso
1Quri ooda bbege dseediq mrtaso we, ani ku ini paadis patis yamu. 2Ado klaun mu ka lnglungan namu mkmege. Stndahu mu Makedon ka yamu. Rmnengo ku ga mhedu psramal 1 knkawas ka seediq Aqaia. Wada lmgelu lhebun hbaro seediq ka Kndrmetan namu. 3Kiya de, skgulan mu ka duma mtswai, so namu maha muyu kari mu mhedu psramal. Kiya de so uxe maha mpkuuka ka ttndahu miyan yamu quri so nii. 4Nasi msuupu kenan mosa ka duma seediq Makedon we, mita ini namu qhedu psramal de, maha miyan msiqa quri snhiyan miyan yamu. Qnsiqa namu uri we ani ta ini rngagi kiya di. 5Maanu so kiya de, asi mu ka ddudul ka mtswai pglaun mu posa yamu hiya, so namu maha mhedu psramal bnege sntangan namu. Kiya de ptuura bnege namu we bale ba pneeyah lhebun namu, uxe pneyah pnskyixan.
6Niqan biciq kari dungal: “Biciq pnhuma na we, biciq ngalun na. Egu hnuma na we, egu ngalun na.” 7Txtaxa heyi we pooda sneengan lhebun namu nanak, iya bale knraguh ma, iya ptkeeyux. Ado Utux Baro we gmaalu seediq mqaras mege. 8Utux Baro we mtduwa prana mege yamu kana klegan gnhuwe. So namu maha mttuku ani maanu klaali. Kiya de tduwa namu meepah malu ooda. 9Mntena pnatis ga spatis Patis Mrtaso:
“Heya we mege ma, dmayo pekan seediq qrinuc.
Knsderux noda na we betaq ani knuwan.”
10Mbege rehak seediq mprehak ma, mbege ppuqn uqun seediq, ida mprana mege rehak rrehak namu dxeral. Kiya uri we mprana gnheyi gnhuwe msderux noda. 11Yamu we ani maanu mpttuku namu kana. Tduwa namu knriyung mege de, ririh ita maha meyah ka lhebun daha mqaras Utux Baro. 12Ado qmeepah ooda bbege nii we, uxe wano pttuku ini knttuku dseediq mrtaso, so hbaro seediq uri we maha stngayan qnaras daha Utux Baro uri. 13Dheya we wada niqan pnugkela daha mnoda bbege nii. Klaun daha yamu we snhii Kiristo, muyu malu kari na, mhuwe bale ppseli dnayo dmayo dheya ma dseediq. Sbege daha Utux Baro ka knledax. 14Dheya uri we, ririh paru gnhuwe Utux Baro ga truura heyi namu we maha lmngelung riyung yamu ma, mpdudul yamu uri. 15Qrasi Utux Baro, ado gnhuwe na we ini qlengi rmengo!
Currently Selected:
2 Korinto 9: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
