2 Korinto 10
10
Lmekuh Rmengo Qpahun Na ka Poro
1Yaku, Poro mtqita ku yamu ciida we mseesu ku. Ini ku eniq yamu hiya de niqan pahung mu. Saya de spooda mu knseesu Kiristo ma tghuwe lnglungan na dmudul yamu. 2Duma seediq we ngalan daha gisu nami spooda kndesan nami mepah. Lnglungan mu so nii we asi ta ka mnpahung smterung dseediq so nii. Kiya de meniq ku yamu hiya ciida we, so ku uxe pkeso nii niqan pahung. 3Yami we ani miyan gisu muudus so kndesan seediq we, ini miyan oda kndesan seediq mccebu. 4Ado qyqeya mccebu miyan we uxe nbobo dxeral, pneyah beyax Utux Baro. Kiya ka mtduwa smeeliq mgdehu qnbrangan mccebu, 5kana qnbrangan paru hhetur daha mkela Utux Baro. Kiya uri mpgeeluk lhebun seediq mpthei Kiristo. 6Yaku we mnhedu ku psramal da. Tmara ku ali bale ba thei namu ciida de, meyah namu pkdira dseediq ini thei na.
7Yamu we wano noda tgbaro ka qtaan namu. Nasi nKiristo ku mesa ka duma seediq we, asi ka lnglungun na dungal, nKiristo ka heya de, nKiristo ta ka ita uri. 8Bukung we mege pusu beyax ita we, ppgdehu ita, uxe mpseelaq ita. Nasi ku sgcuqi tikuh tmdahu quri pusu beyax nii we uxe ku mpqsiqa uri. 9Rmengo ku kari so nii we, so namu uxe mplmngelung mesa, gisu ku smiicu yamu. 10Ado ga rmengo ka duma seediq: “Kari pnatis na we mchedil ma mbeyax bale. Seediq na bale we tuuwic ma uka beyax, kari na uri we uka ba rrihan.” 11Asi ka mkela ka seediq so nii, ini nami eniq hiya ge, wada hmuwa ka rnengo mu pnatis we, maha ku so kiya moda uri ka msterung ta ciida.
12Ado miicu nami pntnaun duma seediq pgkela dheya nanak ka yami. Dheya we dmoi dheya nanak smeung dheya nanak. Dmoi dheya nanak pntena dheya nanak. So nii we uka bale knkela. 13Yami we ini nami sruwa psparu quwaq. Kiya de, yami we psparu nami meniq truma gnyusan Utux Baro. Gnyusan nii we mphrinas betaq yamu hiya. 14Wada miyan hmrinas yamu hiya we, uxe nami mphrinas gnyusan namu. Bale ba we, yami we kiya ka plaale ba mosa yamu hiya gmarang malu kari Kiristo. 15Ini miyan pstama qneepah seediq psparu riyung. Yami we wano sntangan nami maha mdakil ka snhiyan namu ciida we, gnyusan na yami we ririh yamu maha krinah mrana. 16So maha grangun betaq icil nniqan namu ka malu kari nii. Uxe meeniq gnyusan icil seediq. Uxe nami psparu quwaq quri malu noda diicil seediq ka yamu. 17So kiya de: “Tmdahu na mu we tndhui Bukung.” 18Ado maangal tndhuun we, uxe ita nanak ka tmdahu. Asi ka tndhuwan Bukung.
Currently Selected:
2 Korinto 10: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
