2 Nooda 4
4
Qyiqeya Sapah Thmkuwan
(1 Qbs 7:23-51)
1Heya we smalu spuhan limuk, 20 sese ka qndisan, 20 sese ka knuglahang ma, 10 sese ka tnugkadan na. 2Kiya de smmalu mtumun ribo limuk ka heya. Qndisan gnskean na we 10 sese knbbaro, knbragan na we 5 sese tnugkadan ma mtqiri we 30 sese bbaro seengan negul. 3Quri toma ssiyo mtqiri smseman limuk we niqan gnqeran hnyegan dapa 10 sese ka knparu na mtqiri smseman limuk. 2 bnkegan na gaga baro ma toma ka dapa, qnqeran daha smmalu smseman limuk ciida. 4Ribo nii we gaga mheyu 12 dapa snmalu. 3 dapa we mqquri daya, 3 we mqquri pryaxan hido, 3 we mqquri toma, 3 we mqquri nklaan hido. Kana ngungu dapa we mqquri truma. 5Kndlexan ribo nii we 1 karuk baga ma ssiyo na we mntena so quwaq pngerah mahan, spntena na hnyegan phepah boxi smalu. Psaan nii we mtduwa hrigan qsiya 30'00 bati seengan. 6Dungal we smalu 10 ribo limuk: 5 we gaga psaun narac, 5 we gaga psaun iril. Nii we ngalun trmaan ka kiya. Qyqeya dnoi snapuh we asi ka snagun hini. Smseman limuk we wano doyun trmaan msapuh kiya.
7Muyu so ssmalu na smmalu 10 king pcmagan ma, psaun na sapah thmkuwan truma: 5 we gaga narac, 5 we gaga iril. 8Smalu 10 psaan ka heya ma psaun na truma sapah thmkuwan: 5 we gaga narac, 5 we gaga iril. Dungal we smalu 1'00 pngerah king ka heya. 9Heya we ssmalu daha nganguc ma toma nganguc ka dmsapuh. Rhengun cenga nii we lbuwan daha limuk. 10Smseman limuk nii we pniqun daha tgtruma nklaan hido sapah thmkuwan.
11Huram nii dungal we smalu limuk psaan qbulic, karuk ma pngerah. Kiya de Huram we wada na qhdeun qmeepah ka dnurun Selomoh qbsuran paru ooda smalu sapah thmkuwan Utux Baro: 122 hnyegan eruc limuk, 2 mumul gaga puting eruc, 2 kadi kraga gaga lmabu, 2 mumul puting eruc. 134'00 so qutirodux snmalu limuk gaga pniqun 2 kadi krage, nii we gaga md2 bnkegan 2 kadi kraga ma ga splabu 2 mumul puting eruc. 14Heya we smalu ttmaan, dungal we smali trmaan bobo na, 15smseman limuk ma, 12 dapa gaga toma na. 16Limuk psaan qbulic, karuk ma pngerah. Xuram mkela smalu we ssmalu na Selomoh we, dmoi limuk pnsdhriqan na lmepax ka ssmalu na kana qyqeya ppsaun sapah thmkuwan Utux Tmninun. 17Limuk nii we snqmaan rumu dxeral qbsuran paru meniq breenux Yarden ma, cenga Sukot ma Ceredah hiya. 18Egu riyung ka qyqeya snmalu Selomoh. Limuk dnoi na we uka qqlengan smepu.
19Selomoh we smalu lmlamu qyqeya sapah thmkuwan Utux Baro dungal ka heya: Spuhan snmalu king ma psaan snapuh pang. 20Cmagan snmalu king ma stmean pcmagan we, mpuyu gaga daha phyegun daha berah ba pusu mrtaso truma. 21Phepah, camo ma dahur puniq gaga cmagan we snmalu king, king nii we king malu. 22Dahur, pngerah, sara, ma sara pthuwan bagah snmalu king kana. Neluk sapah thmkuwan ma mrtaso truma we gaga plbuwan king kana.
Currently Selected:
2 Nooda 4: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
