2 Nooda 5
5
1Selomoh ge, wada na qhdeun mooda kana ka qpahun sapah thmkuwan nuUtux Tmninun de, bnege Dawid tama na Utux Tmninun ka ging, king, knkingal klegan qyqeya we, prtaso na smeku repun pusu dnoi sapah thmkuwan Utux Baro kana.
Desun Sapah Thmkuwan ka Kulu Pnsdhegan
(1 Qbs 8:1-9)
2Kiya de, psseli ddrudan Israel, qbsuran mdudul knkingal pnswayan rdrudan, pusu rdrudan pnswayan rudan meyah Yerusalem ka Selomoh. Saun daha mangal baro, peeyah alang Dawid, kiya ka Sion ka kulu pnsdhegan Utux Tmninun. 3Pkelu 7 idas smseman ciida, mosa msseli berah qbsuran paru hiya ka kana seediq Israel. 4Dehuk kana ka dmpdudul Israel ciida de, mheal kulu pnsdhegan ka seediq Lewiy. 5Dmsapuh ma dseediq Lewiy we hqulun daha sapah thmkuwan ka kulu pnsdhegan ma, desun daha ka kobu ma kana qyqeya mrtaso uri. 6Selomoh qbsuran paru ma kana seediq Israel we msseli berah kulu pnsdhegan kana ma, smapuh dapa ma miric, ado sgcuqi egu de ini snqlingi smepu. 7Kiya de dmsapuh Utux Tmninun we psaun daha sapah thmkuwan ka kulu pnsdhegan, kiya ka pusu mrtaso truma. Psaun daha nniqun kulu pnsdhegan gaga toma palic 2 kirubing hiya. 8Rmaguh palic kirubing we gaga bobo kulu pnsdhegan kiya. Gaga mubung kulu pnsdhegan ma qhuni phelan. 9Bbaro ka phelan ma, mheyu berah ba pusu mrtaso truma we mtduwa qtaan ka puting ma puting phelan. Ini qtai ka peeyah nganguc. Phelan nii we ida gaga meniq hiya betaq saya. 10Uka ani manu ka truma kulu pnsdhegan, wano 2 qrtinuh btunux, kiya ka mnlatac peeyah Micrayim ka seediq Israel, mnoda psdehu dheya ka Utux Tmninun ciida, pnosa Moseh meeniq dgiyaq Xoreb hiya ka nii.
Ledax Utux Baro
11Ciida, kana dmsapuh gaga hiya we, ani tgiinu pnspuwan daha we ida prtaso psaanak dheya. Mlatac nganguc peeyah sapah thmkuwan ka msapuh de, 12kana dmpuuyas seediq Lewiy, Asap, Xeman, Yedutun, lqlaqi ma, mtswai daha we, asi ka mlukus lukus nuqah malu kana. Mheyu ssiyo spuhan quri nklaan hido hiya, mdoi mtubu bngbang kbun, tubu heyu ma, tubu ka dheya. Msuupu dheya miyuk hiya we niqan 1'20 heyi msapuh miyuk urung uri. 13Mpsuupu kana ka miyuk ma mpuuyas, tmdahu muuyas Utux Tmninun. Mpsuupu iyuk urung, tatuk bngbang ma, kana ttbugan mptmubu tmdahu Utux Tmninun:
“Pusu ba malu ka Utux Tmninun,
gnhuwe na we betaq ani knuwan!”
Ciida, stngayan plabu ka sapah thmkuwan Utux Tmninun. 14Ririh plabu nii, betaq ini dehuk qmeepah ka dmsapuh. Ado knledax Utux Tmninun we asi kstenge truma sapah thmkuwan Utux Baro.
Currently Selected:
2 Nooda 5: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
