2 Nooda 3
3
Pheyu Sapah Thmkuwan
(1 Qbs 6:1-38)
1Selomoh we prading qmeepah smalu sapah thmkuwan Utux Tmninun meniq Yerusalem, kiya ka nniqan tnugesa Dawid gaga dgiyaq Moriyah pntuura Dawid tama na hiya ka Utux Tmninun, dxeral sbetan mugi Arnan seediq Yebus. 2Idas 2 tg4 knkawas qbsranun na ka Selomoh we prading smalu mrtaso sapah thmkuwan. 3Pusu sapah thmkuwan snmalu Selomoh we so nii: Qndisan na we 60 sese, knuglahang na we 20 sese, pnoda na sseung cbeyo. 4Sbesuk tmayan na we 20 sese, mntena sapah thmkuwan ka knuglahang. Tnugkadan na we 1'20 sese. Ckceka na we ga pqpahan malu ba king. 5Truma sapah we gaga qrengan qrtinuh qulic bale ma pqpahan malu ba king ma, ga gqeran pnatis sbiki paru ka bobo na. 6Heya we saangal na btunux qrari pdeping sapah thmkuwan. King nii we pneyah Parwayim. 7Pqpahan na king ka qnabil, eruc, bobo rhegun ma rhengun sapah thmkuwan. Qnabil we sqriyan daha kirubing.
8Pusu mrtaso truma we, 20 sese ka qndisan na, mntena sapah thmkuwan 20 sese ka knuglahang. Pqpahan na bale ba king ka qnabil. Wada dooyun ka king we 6'00 tarantu king. 9Wada dooyun smalu xiluy camo ka king we 50 skere. Pqpahan king ka qnabil sapah mgbaro uri.
10Heya dungal we dmoi baga mkela ba smalu ssmalu 2 kirubing lbuun na king peeniq ckceka mrtaso truma. 11Qndisan 2 palic kirubing nii we 20 sese. Knkingal palic kirubing we 5 sese, gaga smdaling qnabil hini. 5 sese qndisan na ka kingal palic uri, gaga lmutuc palic kirubing kiya. 12Qndisan palic kirubing kiya we 5 sese, gaga smdaling qnabil kiya. 5 sese qndisan na ka kingal palic uri, gaga lmutuc palic kirubing hini. 1320 sese tnraguh na palic ka 2 kirubing nii. Dmoi papak mheyu, mquri sapah thmkuwan ka dqeras daha. 14Dungal heya we plpala gaga mrtaso truma we tninun ware nuqah mtlawa, mtgdiyuc ma mtanah. Bobo na hiya we gaga pttuwan tminun hnyegan kirubing.
Daha Eruc Limuk
(1 Qbs 7:15-22)
15Heya we smalu 2 eruc limuk, tnugkadan na we 35 sese. Tnugkadan peeyah bobo eruc we 5 sese. 16Pdpingan na giji ma pniqan na 1'00 mtumun qutirodux snmalu limuk ka giji. 17Phyegun na 2 eruc limuk ka berah sapah thmkuwan, 1 we meniq narac, 1 we meniq iril. Yaking kesun tmngayan ka gaga narac, Boaj kesun na tmngayan ka gaga iril.
Currently Selected:
2 Nooda 3: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
