1 Yohane 5
5
Mbeyax Qnhlangan ka Snhiyan
1Kana snhii Yesu heya we kiya ka Kiristo de, mntuting pneyah Utux Baro kana. Kana gmaalu Utux Baro we, mpgaalu kana pneyah Utux Baro. 2Gmaalu ta Utux Baro, kiya uri we muyu ta kari pnosa na. Peeyah so nii de, bale ba gisu ta gmaalu lqlaqi Utux Baro da. 3Muyu ta kari pnosa Utux Baro, kiya ka gmaalu heya da. Uxe msriqu pyugun ka kari pnosa na. 4Kana mntuting pneyah Utux Baro we mpkbeyax qnhlangan. Mpkbeyax qnhlangan ta we kika snhiyan ta. 5Ima ka mpkbeyax qnhlangan ho? Uxe kiya ka snhii Yesu kiya ka Laqi Utux Baro peni?
Pgkela Laqi na ka Utux Baro
6Mnoda qsiya ma dara meyah ka Yesu Kiristo. Uxe wano mnoda qsiya, pnoda qsiya ma dara uri. Pgkela na we Bgihur Utux. Ado Bgihur Utux we kika bale ba. 7-8Teru ka pgkeela: Kiya de Bgihur ma qsiya ma dara. Teru nii mntena kana daha. 9Wada ta ngalun ka pnugkela seediq de krnahi ta mangal dungal ka pnugkela Utux Baro. Ado pnugkela Utux Baro kesun we kika quri laqi na ka spgkela na. 10Snhii Laqi Utux Baro ka seediq we niqan pnugkela so nii ckceka lhebun na. Ini snhii Utux Baro ka seediq we wada na ngalan so pqberiq ka Utux Baro. Ado ini na snhii ka pnugkela Utux Baro. Pnugkela nii we quri Laqi na ka spgkeela na. 11So nii ka pnugkela na, Utux Baro we wada na sbege ita ka uka psteqan knuudus, nii we kiya ka ga meniq ckceka Laqi na. 12Niqan Laqi Utux Baro we, kiya ka niqan knuudus. Uka Laqi Utux Baro we, kiya ka uka knuudus.
Mkela Niqan Knuudus Ani Knuwan
13Yaku we, spatis mu yamu snhii ngayan laqi Utux Baro ka kari mu nii. So namu maha klaun, yamu we niqan knuudus ani knuwan. 14Ita we nasi ta muyu lnglungan Utux Baro dmurun mesa de, mpqbahang dnurun ta ka heya. Kiya ka kesun uka kniicu lhebun ta quri heya. 15Kiya de wada ta klaun mbahang kana dnurun ta ka heya de, maha ta klaun pnesa ta heya, uka ka uxe ta maangal.
16Seediq we, nasi ta mita mtswai ta moda qnuuqu noda uxe betaq so phqilun we, dyagi dmurun ka heya. Mbege knuudus heya ka Utux Baro. Ado ndaan qnquwan noda duma seediq we uxe phqilun kana. Wano duma qnquwan noda we asi ka phqilun. Uxe ku nii rmengo druni ka qnquwan noda so nii. 17Kana ini ksderux noda we ida qnquwan noda kana. Maanu so kiya we, uxe phqilun kana ka qnquwan noda nii.
18Ida ta klaun, kana mntuting pneyah Utux Baro we, ida uxe mooda qnquwan noda. Kingal ka mntuting pneyah Utux Baro we, mpqlahang heya. Uxe meyah smeeliq heya ka bgihur naqah. 19Klaun ta, NuUtux Baro ka ita. Ga meniq toma bgihur naqah nii kana ka kana qnlangan. 20Ida ta klaun, nii dehuk ka laqi Utux Baro. Wada na sbege ita ka kmkela lmngelung. Kiya ka ga ta mkela bale ba heya ga ta meniq bale ba hiya ka ita uri. Kiya ka laqi na Yesu Kiristo. Bale ba Utux, knuudus ani knuwan uri. 21Lqlaqi biciq, yamu we, snthyai ka tikung.
Currently Selected:
1 Yohane 5: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
