2 Yohane 1
1
Smbeyax Kari
1Yaku nii ngalan rudan mpqlahang, mpatis ku patis mqedil gneegan ma lqlaqi na. Kiya ka sgaalu mu riyung. Uxe wano yaku ka gmaalu, sgaalu riyung dseediq kana mnkela kari bale ba uri. 2Ado ga meeniq dheya ka kari bale ba. Mptheyaq ita ani betaq knuwan uri. 3Tai so huwe, gnaalu ma, mgbale lhebun we, pneeyah Utux Baro Tama ma Yesu Kiristo laqi na, mpsuupu ita meniq kari bale ba ma gnaalu.
Kari Bale Ba ma Gnaalu
4Qrasun mu bale mita ka lqlaqi su, dheya we muyu kari bale ba nangal daha kari pnosa peeyah Tama. 5Isu mqedil, braho misu saya, pggaalu ta kana. Matis ku so nii sunan we, uxe bgurah pnosa kari. Nii we ida ta dnoi peeyah pnrdingan. 6Nii we kiya ka gnaalu. Kiya ka pooda ta pnosa na kari. Kari pnosa ka nii, kiya de asi ta ka muyu kari pnosa nii. Mntena so bnhangan namu peeyah pnrdingan.
7Wada meyah bobo dxeral ka hbaro mpsridil seediq. Dheya we ini pkela Yesu Kiristo we madis heyi meyah. Seediq so nii we kiya ka mpsridil seediq, kmpais Kiristo. 8Yamu we qlahang bale, so namu uxe lixun ka qneepah namu, so namu maha maangal mttuku bnege na.
9Kana hmrinas tnugesa Kiristo ma ini puyu na we, kiya ka uka Utux Baro. Kana muyu tnugesa nii we, kiya ka niqan Tama ma laqi. 10Nasi meyah yamu hiya ka seediq, ini rengo tnugesa nii de, iya pyahi sapah namu, iya rengo smbeyax kari dheya uri. 11Ado smbeyax rmengo kari dheya we, ida niqan qnnaqah daha uri.
Qnhdean Smbeyax Kari
12Egu ka kmptasun mu yamu. Kiya de ini ku sruwa dmoi patis ma geluq ppatis. Mkmosa ku yamu hiya pprengo ta dqeras. So maha mttuku riyung ka qnaras ta. 13Lqlaqi mtswai su mqedil gneegan we, ga rmengo ya su malu mesa ka dheya.
Currently Selected:
2 Yohane 1: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
