Ejai 32
32
Ngar kɨ ngekõɓe denesew
1Oon ngar a õɓe kɨgo ɗob kɨdenesew,
na mbaiɓeg loa a õnɓe goɗobat.
2Mbaiɓe kɨɗen a i tit loyaro kɨta nel,
tit longomro kɨta nélbarwãi,
a tit man bahg kɨ nũn lot kɨtut kurum
tit ndil mbalbo kam dɔningt kɨ de
ɔr rɔkɨ kamt.
3Kum ngékolo a tel mundo al,
na mbi ngékoodɔta a oo dɔ.
4Ngékurdɔkoi a in kɨ goosɨ tɔrr
go nya nat,
na ndõ ngéɓad ta
a elta kɨ kɔr njereng kanangbe.
5A kunɨn ɓood de, de kɨjaraw gog al,
a kunɨn ngetar nya ngekadnya gog al tɔ.
6Kɨtɔ ɓood ndɨ elta kɨ lo ɓoodt,
kama ge ɗa majal,
kad hɔ ɗa nya kɨgo lo Luwaht al,
na elta kɨgoot al dɔ Bɨraɓet,
kɨtakad de kɨ ɓo ɗaa
nga nya sa al
kɨ ɔg man kãi de'n kɨnda õa.
7Nyakatg lo de kɨ ngendokum deg
in majal kɨ ɗa.
Ndɨ ɔj ta ɗa nyag kɨmajal kamɨnt,
kad n'nujɨn ngendo kɨgo ɗob takɨbal,
ke neni ta lo de kɨdangt i kɨgoɗobat.
8Na de kɨjaraw ndɨ tee
kɨ kɔjtaɗag kɨjaraw,
ndɨ hɔ tɔgɨn ba kam kɔjtaɗag lon kɨmaj.
Bɨraɓe ndang dekɨdẽg kɨ Jerusalem
9In dekɨdẽg kɨ ngégata al.
I ɓain dõ, oon dɔ ndim.
In ngan kɨdẽg kɨ ngéngẽ,
i nelɨn mbisɨ, oon dɔ ta lom.
10Kam ɓalt kɨɗa kɨ ndɔg dɔt,
a i ndadɨn in ngengẽ,
kɨta a jan kand nduu woi,
kaglo ja kand kag a ɗe al ta.
11I ndadɨn in dekɨdẽg kɨ ngégata al,
i ndadɨn in ngengẽ.
I tɔrrɨn kubg losɨ, i ɗan rosɨ kari,
i dɔn ɓosɨ kɨ kub hɔndo.
12A i gan gusi kɨ nõ
kɨta ndɔɔg kɨmaj kɨgoto,
kɨta dĩndu kɨ and ngãi kɨgoto,
13kɨta dɔning lo deg lom
ɓa kõng kɨ ngarg,
ke kam kuj ɗa ronelt kɨɗen,
kam ɓebo ronelt tɔ.
14Kɨtɔ a nyan kuj kõɓe kɔ,
ɓebo kɨ deg ngãi in kamt
a tel gootɓe.
Doorlo kɨ kuj ngomlo
a telɨn bulombalg kɨnõt,
a i nyaronel lo korrog kɨ mut,
a i lo sanya ɓut nyakulg,
15mbã ndɔt'n Bɨraɓe a ũ
Ndil ko dõ dɔjt,
na dɨlalo a tel ndɔɔ
kɨ tee kɨ kandnya ngãi.
Ndɔɔ kɨ tee kɨ kandnya ngãi tɔ
a nder tit kú be.
16Ndɔt'n non nyaɗa kɨgoɗobat
a ndɨ kam dɨlalot,
na ɗa denesew a ndɨ kam ndɔɔ kagt
kɨ tee kɨ kand nya ngãi.
17Nyaɗa kɨdenesew a tee kɨ lapia
na kand denesew a i taakò
kɨ ndɨ lom mbãkɨnõt.
18Deg lom a ndɨn londɨdt kɨ lapia,
kam kujgt kɨ ɗan bijir,
kam lotaakògt kɨ sɔl lom.
19Na kɔsɨndii a tet kagg kɨ kam kùt,
ɓebo a tet so kɨber.
20Ngéronelg la i ĩgɨn ndɨ duwɨn nya
nderbe kad mant kɨɗen,
ĩgɨn i nyan mangg kɨ korrog dõ
ad ndian kɨgo kamndigt lod.
Currently Selected:
Ejai 32: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
