Ejai 33
33
Bɨraɓe a ɗe aj deg lon
1Beto loi ĩ ngenuj nya,
na ĩ kɨdɔi i nuj al ɓaitɔ,
ĩ ngeɗa kɨgo ndokumt,
na de tuji al.
Lon a i nya ta nuj nya a ne,
a i nuj tɔ.
Lon a i nya ta kur yedeng a ne,
a huri'n yedeng ho.
2Bɨraɓe, ɔj'j kamkẽ.
Jĩ kɨ nda kamj dɔit.
Kɨ ĩ tɔgj kɨ sĩ kɨ ndɔg tube.
3Dɔ kah ndii ndang a ne girrdeg kɨ dang dang
ãin na,
lon i ɓai dõ a ne,
girrdeg kɨ dang dang tĩn na kɔ.
4A kawɨn nyatetɗɔɔ kɨnat
tit'n ngan kɨbetg a kawɨn ne
na, tit'n kɨbetg ɓai son ne dɔ nyat.
5Bɨraɓe i kɨ tɔi kɨ dõ kɨta londia i dõ.
Ĩla ad ɓebo Siõ ɗoosɨ
kɨ nyaɗa kɨgoɗobat kɨ
kɨdenesew,
6Bɨraɓe a ad'd ndɨn lapia kaglot lod,
a in nyangah kaj lod
terr kɨ nyager,
kɨ ɓool Bɨraɓe a i nyamaj lo ɓebo Siõ.
7Oon deg kɨ Ariel ndɨ kon kɨ dɔ ɗobg,
ngombangkɨlag kɨ ngésah lapia
nõn nõ kɨkatbang.
8Ɗobg ton dɨla,
de tɔi dɔ ɗobt al.
Gangɨn kunkɔ,
kidin ɓebog,
oon de nya madt al.
9Dɔning 'nten hɔndo, tɔga goto,
Dɔning Libã i kɨ rosɔl, tut kurum.
Dɨlalo kɨ Sarõ tel tit dɨlalo kɨ Araba be.
Mbikagg kɨ dɔning Basant
kɨ kɨdɔ mbalbo Karmelt urɨn wuk.
10Tajigla m'a m'ɓai, kel Bɨraɓe,
tajigla m'a m'ɗa dõ,
tajigla a tɔimɨn kɨ dõ.
11Ndanɨn tisa, oojɨn mũ.
Kò kɨ tasɨt i horr kɨ a õsɨ mugɨj.
12Girrdeg kɨ dang dang,
horr a õd kam purrt,
tit kɔn'g kɨ de ga gang,
ũd kam horrt ad õ.
13In ngéndɨ sãi,
oon hoi nyaɗam.
Ĩn ngendɨ nderbe,
kɨ i gerɨn tɔgɨm jeje.
14Ngéɗamajalg ngéndɨ ɓebo Siõ ndɨ
ɓoolɨn,
ngéɗanya kɨgo lo Luwaht al
kɨngasa gad.
Nõ kuujt asɨ ndɨ kam horrt kɨ kõ
mugɨj a?
Nõ kuujt asɨ ndɨ kam ndõhorrgt
kɨ tokɨnõt a?
15De'n ndia denesew,
na elta goɗobat,
de'n kid nyangah kɨ lo ngetɔgt,
na ye jin mbetɨn kadkari,
de'n ut mbin dɔ ta kũ mosɨ kɔt,
na ut kumɨn kad n'oon majal al tɔ.
16De'n non a ndɨ logt kɨ dõ,
longomroa i kam mbalgt kɨngang,
a adɨna nyasaa, a nal mankãi al.
17Kumi a oo ngar kam majkooat.
A oo dɔning kɨtat ngãi.
18Kami a gah dɔ nya kɨ ndai ɓoolt.
Ngetɨda lambo i ɗah a?
Ngembɔj nyatɨr i ɗah a?
Ngetɨda kɔr kuj ngomdɔɓeg i ɗah a?
19A oo girrdeg
kɨ ngétɔkoh nya gog al,
ad i deg kɨ ta ɓe lod wo kɨɓing,
dum koo dɔ,
kɨ ngékelta kɨmbah kɨ de ger girra al.
20I nɔl ɓebo Siõ,
lo ɗa nahg loj kɨ gangɨn ndɔdg.
Kumi a oo ɓebo Jerusalem,
lo kɨ sɔl lom,
kujkub kɨ de a ɔrr kɨkete al.
A tɔrrɨn kaga kɨ ningt al,
a gangɨn kɨllaa mad kɨɗa al tɔ.
21Loat'n non la Bɨraɓe a i sej
kam majt kɨtɔitɔi,
loat'n non bahbog kɨ bahg kɨtat a
in tit, too kɨ nél kɨ hai a andt al,
too kɨbo a tɔi tit al.
22Bɨraɓe i ngegangta loj,
Bɨraɓe i ngekõɓe dɔjt.
Bɨraɓe i ngar loj,
ĩ la a aj'j ye.
23Kɨla dɔ kag ga kub dõ dɔ
too kɨbot yɔkɨ,
dɔ kag'n non loɗaat ngang ngang al,
asɨ tee go kub too kɨbo ad tat al.
Kamla a kegɨn na nyatetɗɔɔ kɨbobe kɨ ɔin,
mootg kaa a ɔin nyatetɗɔɔ.
24De mad kɨ ngéndɨ ɓebo Jerusalem
kɨ a el an: Ron ton be goto.
Ɗagootal lo ngendɨ lot'n non
a i kɨ nyàgo kɔ.
Currently Selected:
Ejai 33: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
