Ejai 31
31
Ejiptiag in deg, na in Luwah al
1Beto lo ĩgɨn ndɨ awɨn dɔning Ejipt't
kad n'sahn ngeɗased.
Ĩgɨn ndan kamd dɔ sɨndagt,
na ɓan kul pusɨɗɔɔg kɨ koosɨdg
kɨ ngékald tɔ, kɨta tɔgd kɨngãi.
Urɨn kumd kɨdɔ Ngekunjɗangt
kɨnge Israel al,
sahn Bɨraɓe al tɔ.
2Na Bɨraɓe i ngeterr,
a ad nya kɨ to ɗe, a mbel kɔn al.
A ɓai ndoor ngékɨɓe lo ngéɗamajalg,
a ndoor ngédĩ ngéɗagootalg.
3Ejiptiag in deg, na in Luwah al;
sɨndag lod tɔ in dã, na in ndil al.
Lon Bɨraɓe a la jin,
nja ngeɗased a hɔning al,
na de'n deg ɗan sia a so,
in tujoo a nujɨn nat.
4Kɨtɔ Bɨraɓe elɨm an:
Tit'n tubo ke ngon tubo
a jan ɗɔɔ dɔ nyahɔnt;
ke neni kunɨn ngéngom nyakulg tube
kɨdɔat kɨ n'ɗɔɔn sia kaa,
a ɓool ndid al,
a tĩn nyàa kɨta kahd kɨ ko al tɔ.
Titbe tɔ Bɨraɓe Ngetɔg kɨ tɔitɔi a ɗisɨ
kɨta ɗɔɔ dɔ mbalbo Siõt,
kɨ dɔ doort loa.
5Tit'n yelg a ɔrrɨn ne bɔgd dõ ye,
titbe tɔ Bɨraɓe Ngetɔ kɨ tɔitɔi
a ngomɨn ɓebo Jerusalem,
a ngoma, a ug ɔrra,
a nyàa, na a aja.
6Israelag. I telɨn kɨ ro ĩtɨn
i tana ɗɔɔ ngãi kɨ tɔi.
7Ndɔt'n non dekɨɗen
a un yo larjãg lon,
kɨ yo lɔrg lon, a lad kɔ
yog'n jisɨ ɗa kɨta rosɨ.
8Deg kɨ Asiri a son ta kiyaɗɔɔt
kɨ i lo de al,
na kiyaɗɔɔ kɨ i lo de al a tɔld kɔ.
A ãin nõ kiyaɗɔɔt,
na basag lod a lan dɔd girr kɨlaɓert.
9Ngetɔgg lod a ãin kɨta kɨngasa a gad,
kɨrãɗɔɔg lod a nyan drapo,
a tĩn na kɨ log,
kel Bɨraɓe'n a kɨ horr lon Siõt,
na pur loa i ɓebo Jerusalemt.
Currently Selected:
Ejai 31: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
