Ejai 27
27
Ta dɔ kaj Israelt kɨ kawd kɨnat gog
Pa lo ngéɓakul Bɨraɓe
1Ndɔt'n non Bɨraɓe
a un kiyaɗɔɔ lon kɨngang,
kɨbo kɨ kɨtag,
a tɨga li ngekãi
kɨ tɔa i Lebiatan,
kɨ li kɨɗug gɔligɔli
kɨ tɔa i Lebiatan,
a tɔl dɨragõ kɨ kam bahbot.
2Ndɔt'n non:
Ɔsɨn pa dɔ ndɔɔ nduut kɨnel.
3Mĩ Bɨraɓe mĩ ngengoma.
Kɨ kàd kɨɗen m'ndɨ m'la man dɔt,
m'ndɨ m'ngoma ndɔ ho kàda ho,
na ɓeta de mad nuja.
4Na m'a m'ɗa wong al.
Ĩla m'ngaa ngarg kɨ kong kamt kaa,
m'a m'ɗɔɔ sed, m'a m'tuɓa god,
m'a mad horr õd ta kɨɗabe.
5Na ĩla telɨmɨn loyarodt a ne,
a lan nooj nat sem.
Ad lan nooj nat sem.
6Kam ndɔgt kɨ a ɗen nõ,
Jakob a la ngɨran,
Israel a hut, dɔjiag a ɓan,
a ɗoosɨ dɔning kɨtaagbe kɨ kandɨn.
7Bɨraɓe a nda deg lon
tit'n ndan ĩgɨn ndand a?
A tɔld tit'n tɔlɨn ĩgɨn tɔlɨnd a?
8Nda ɔjd, tuɓad kɔ sãi,
lon ɔrrdɨn kɔ kɨ tɔg nél kɨ loɓakàdt.
9Titbe la a bɔrrɨn ɗagootal
lo ngaka Jakob kɔ,
na kand nyàgo majal loa kɔ laten:
a ad mbalg kɨ dɨngɨr dukan tube,
ad telɨn tit wor de ɗa nduja be.
Yo Astarteg kɨ nya kɨ tɔsɨ ɓakumta
kàd a ɗan dõ gog al.
10Ɓebo kɨngang tel gootɓe,
londɨ kɨ mbetɨn nyana kɔ,
i tit dɨlalo be.
Nõbe ngon mang a sanya lot'n non,
a tot, a sa dɔj kagt.
11Lon dɔjiag tutɨn, a tetɨnd
dekɨdẽg a tee lan horr,
kɨta deg'n non goosɨ lod goto,
ngeɗad a oo kumtondo lod al,
ngeɓahd a ɔjd kamkẽ al tɔ.
12Ndɔt'n non Bɨraɓe
a ndah nyako ad kanda tee,
mba girra dɔ bahbot
mbã kɨ bah Ejipt't.
A kawsɨn kɨɗa kɨɗa kɨnat
in deg kɨ Israel.
13Ndɔt'n non brunj kɨbobe a kɔ,
Israelag kɨ nãin dɔning Asirit,
kɨ ĩgɨn tuɓand kɨ dɔning Ejipt't,
a ɗe ɔsɨn dɔd ber nõ Bɨraɓet,
dɔ mbalbot kɨjaɓat kɨ Jerusalem.
Currently Selected:
Ejai 27: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
