THUPHUAN 19
19
1Cia hnuaah vancungmi tampui ai aw bang za ai, “Pathian tu thangphat in um tuseh! Hallelujah! Nunohnak le songlawihnak le huham tu kin Pathian ai i! 2A thupehnak tu a dikcang i. Hlotlau nu, a tisa hiam sualhnak thawn lailung vum a ningrimruaitu heh cawh zo i. Pathian ruaihtute a rek manin ani tu Pathian in cawh zo i,” tiin ti i.#Danp 32:43; 2Kum 9:7 3Cen aw cawm ngai in, “Hallelujah, Pathian tu thangphat in um tuseh! Khualipui a kang manin maikhu tu kumzangza in van ah kai i,” tiin au lala i.#Isa 34:10 4Ciafangin upate kul hluanli le nunghing pali tu bok tlang ai bawi tohkham vumai a totu Pathian bia tlang i. Anite in, “Amen! Pathian tu thangphat in um tuseh,” ti tlang i.
Tuufa Mohoi Puai
5Cen bawi tohkham in aw pakhat thang ai, “Kin Pathian thangphat tu ih; a napertute le minungte, a ham a sen ti loin amah a kihzahtu hmuahhmuah in thangphat tu ih,” tiin ti i.#Saam 115:13 6Cia hnuaah miburpui ai aw bangtluk, tilep hual aw bang, khuari dumdo aw za ing. Cia aw in, “Hallelujah, Pathian tu thangphat in um tuseh! Zaimantifangin Bawipa, Hmualnaiber kin Pathian tu kumpibawi i!#Ezk 1:24; Saam 93:1; 97:1; 99:1 7Lungawi aipuang in um ngasing! A thawmlianhnak thangphat ngasing! Zaimantifangin Tuufa mo hoi can hleng zo ai monu khai hoidunhnak puai hrangah ralring in um zo i. 8A sil tuhin rizai ai takhnak pon ngo a tleumi heh pe zo i,” tiin amahte tihnak za ing. Ciami rizai ai takhnak pon ngo tu Pathian minungte ai thilpha bawnhnak i.
9Vancungmi in, “Hemi heh ngan tu: Tuufa mo hoi puai ai sawmhnak mite tu mihmuifu i. Hemi thu tu Pathian thudik i,” tiin ti i.#Mat 22:2-3
10Ciafangin amah bia tuhin a keham ah bok ing, ikhalselai ani in, “Ciatihin bok mah! Kaimah khai nangmah bang cengfa ve ing; Jesuh in a phuanghnak taktak kho ngai ai a pomtu ning unaute lakah pakhat ing,” Pathian ian bia tuhhnak i,” tiin ti i.
Jesuh ai phuanghnak thutak heh i prophette thinlung thoruaitu khiah”.
Siphuh Ngo Vumai Totu
11Cen vancung khua dawng hong in hmu ai siphuh ngo pakhat lar i. A vumai a totu heh Rintlak le Midikcang tiin komi i. Thu a khan fangin le ral a tawng fangin dikcanghnak thawn thukhan ai tawng i.#Ezk 1:1; Saam 96:13; Isa 11:4 12A mitte tu mai bangin ko ai a lu vumah bawi lukhuk tampui khu i. A vumah a hming ngan cia in um i, ikhalselai amah siar lo aisu inkhai ciami hming ling tlang lo i.#Dan 10:6 13A hnikpon silhnak tu thisan songah nimhnak i. A hming tu, “Pathian Thu,” ti i. 14Vancung ralkapte in rizai ai takhnak pon ngo cianghlim sil in le siphuh ngo vumah to kongin amah hlun tlang i. 15A ka songin ralvang sandir pakhat suak ai ciami thawn miphun tampui neh tuh i. Thirfung thawn uk tuhai Hmualnaiber Pathian ai thinrawhnak heh cabit rialhnak songai cabit fon bangin fon tuh i.#Saam 2:9; Isa 63:3; Joel 3:13; Thup 14:20 16A pon vumah le a kawngpui ah hming ngan tlang ai, “Kumpibawi hmuahhmuah lakai Kumpibawi ber, bawi hmuahhmuah lakai Bawi ber,” tiin ngan i.
17Cen vancungmi pakhat ni vumah a ding hmu ing. Van ai a zuangmi vaniu hnenah aw cawm ngai in au ai, “Pathian in puai lianpui bawn tuhhnak heh sim tu ih.#Ezk 39:17-20 18Kawi tu ilai kumpibawite, ralbawite, ralkapte, siphuh le siphuh totute, mi zongzong, sal ituseh miluat ituseh, miham ituseh misen ituseh, ciamite ai sa ai tu ih,” tiin ti i.
19Cen sahrang le laivum kumpibawite le amahte ralkapte tu siphuh vumah a totu le a ralkapte tawng tuhin hmunkhat ah taikhawm tlang i. 20Sahrang tu pom ai a mithmuh ah aicankul larhnak tampui a bawntu prophet khel khai pom cih i. Ciami khuaruahhar a bawnhnak in sahrang hnikhnaihhnak a awhtu le sahrang lim a biatute khiah zawl i. Sahrang le prophet khel heh hmunkhat ah katmai thawn ko thliahthlohnak mailipui songah a nungcing in lon i.#Thup 13:1-18 21A ralkapte tu siphuh vumai a totu pa ai ka songin a suakhnak ralvang in rek i. Cen amahte sa tu vaniu hmuahhmuah in amahte ai ben tawp in ai tlang i.
Currently Selected:
THUPHUAN 19: RZB
Highlight
Copy
Compare
Share
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.
